आईपीएल २०२२ : यी हुन् सिजनका १० उत्कृष्ट ‘क्याच’

काठमाडौं । आईपीएलको १५ औँ सिजन १० वटा टिमको उत्साहले भरिएको थियो । ब्याटिङ र बलिङमा खेलाडीले उत्कृष्ट प्रदर्शन गरेका थिए । राजस्थान रोयल्सका जोस बटलरले ८०० भन्दा बढी रन बनाए भने स्पिनर युजवेन्द्र चहलले २५ भन्दा बढी विकेट लिएर आफ्नो जादु देखाएका थिए ।

बलिङ र ब्याटिङमा मात्रै नभएर फिल्डिङमा पनि खेलाडीले उत्कृष्ट प्रदर्शन गरेका छन् । कोलकाता नाइट राइडर्स विरुद्धको खेलमा लखनऊ सुपर जाइन्ट्सका इभिन लुइसले ‘अल टाइम ग्रेट’ क्याच लिए । हामी तपाईंलाई  आईपीएलको शीर्ष १० क्याचहरूको बारेमा बताइरहेका छौं।

१) एविन लुईस-कोलकाता नाइटराइडर्स : 

कोलकाताविरुद्धको खेलमा लखनउले २१० रन बनाएको थियो । कोलकातालाई जितका लागि २११ रन बनाउनु परेको थियो । रिंकु सिंहले अन्तिममा ब्याटिङ गरिरहेका थिए । उनले १४ बलमा ४० रन बनाए । कोलकाताले जितका लागि अन्तिम दुई बलमा तीन रन जोड्नु परेको थियो । रिंकुले पाँचौं बलमा कभरतर्फ प्रहार गरे।

बल बाउन्ड्रीबाहिर जाने जस्तो देखिन्थ्यो तर इभिन लुइस एक हातले राम्रो क्याच लिन दौडिए । अर्को बलमा उमेश आउट भए र कोलकाताको टोली दुई रनले पराजित भयो। सामाजिक सञ्जालमा यो क्याचलाई आईपीएलको ‘अल टाइम ग्रेट’ क्याच भनिएको छ ।

२) जोस बटलर-पञ्जाब किंग्स : 

ब्याटिङमा धमाकेदार रहेका जोस बटलरले पञ्जाब किंग्सविरुद्ध उत्कृष्ट क्याच लिए । उनी विकेटकिपर भएपनि कप्तान सञ्जु सामसनले टोलीमा यो जिम्मेवारी सम्हालेका छन् । उनले मैदानमा टोलीका लागि महत्वपूर्ण भूमिका निर्वाह गर्दै आएका छन् । प्रतियोगिताको ५२ औं खेलमा बटलरले एक हातले उत्कृष्ट क्याच लिए ।

पावरप्लेको अन्तिम ओभरमा शिखर धवनले अश्विनको बललाई ३० यार्ड बाहिर पठाउन शट खेले। मिडअनमा उभिएको बटलर हावामा उफ्रएर र एक हातले क्याच लिएका थिए । क्याच लिएपछि उनी तल खसे । सामाजिक सञ्जालमा फ्यान र कमेन्टकर्ताले उनको निकै तारिफ गरेका छन् ।

३) मुकेश चौधरी-रोयल च्यालेन्जर्स बैंगलोर : 

दीपक चाहरको अनुपस्थितिमा चेन्नई सुपर किंग्सको बलिङको जिम्मा मुकेश चौधरीले लिएका थिए । उनले सुरुका केही खेलहरूमा खराब बलिङ र फिल्डिङका साथ फर्किए र फ्रेन्चाइजलाई प्रभावित गरे। रोयल च्यालेन्जर्स बैंग्लोरविरुद्धको खेलमा उनले रजत पाटीदारको अविश्वसनीय क्याच लिएका थिए ।

पाटीदार डेथ ओभरमा रन बनाउने प्रयासमा थिए । १६औं ओभरमा पाटीदारले ड्वेन प्रिटोरियसको लेन्थ बललाई बाउन्ड्रीबाहिर पठाउन खोजेका थिए तर शट राम्रो हुन सकेन । डिप स्क्वायर लेगमा १५–२० मिटरको दुरी पार गरेपछि मुकेशले अग्रता लिएर उत्कृष्ट क्याच लिए । महेन्द्र सिंह धोनीले पनि उनको तारिफ गरेका छन् ।

४) इशान किशन-चेन्नई सुपर किंग्स : 

इशान किशनले हालैका वर्षहरूमा आफ्नो ब्याटिङले मात्र नभई आफ्नो विकेटकिपिङबाट पनि फ्यानहरुलाई प्रभावित पारेका छन्। इशानले प्रतियोगिताको ३३औं खेलमा चेन्नई सुपर किंग्सविरुद्ध उत्कृष्ट क्याच लिएका थिए । १३ औं ओभरमा ड्यानियल साम्सको बल शिवम दुबेको ब्याटमा लागेर विकेटकिपरतर्फ गयो ।

बल भित्र आउँदै थियो, त्यसैले इशान दायाँतिर लागे, तर बलले शिवमको ब्याटबाट दिशा परिवर्तन गर्यो। किशले तुरुन्तै आफ्नो खुट्टा बायाँ तिर फैलाए र डाइभिङ गर्दा एक शानदार क्याच लिए।

५) विराट कोहली-दिल्ली क्यापिटल्स : 

विश्वका उत्कृष्ट फिल्डरमध्येका एक विराट कोहलीले शानदार क्याच लिएका छन् । दिल्ली क्यापिटल्सविरूद्धको खेलमा ऋषभ पन्तको बल क्याच गरेका थिए । दिल्लीलाई जितका लागि २१ बलमा ४८ रन जोड्नु परेको थियो ।

पन्त ३४ रन खेल्दै थिए । मोहम्मद सिराजको डिलिभरीलाई बाउन्ड्रीबाहिर पठाउने प्रयासमा पन्तको प्रहार राम्रो हुन सकेन । एक्स्ट्रा कलरमा उभिएका विराट कोहली उफ्रिएर एक हातले उत्कृष्ट क्याच लिए ।

६) अम्बाती रायडु-रोयल च्यालेन्जर्स बैंगलोर : 

चेन्नई सुपर किंग्सका अम्बाती रायडुले रोयल च्यालेन्जर्स बैंगलोर विरुद्धको २२ औं खेलमा एक क्याच लिए, जुन लामो समयसम्म याद रहनेछ। ३६ वर्षीय रायडुले उत्कृष्ट क्याच लिए ।

आकाशले जडेजाको बल राम्रोसँग पढ्न सकेनन् र अतिरिक्त बाउन्सका कारण सट पनि राम्रो दिन सकेनन् । रायुडुले दाहिनेतर्फ डाइभ गरेर क्याच लिए।

७) कुलदीप यादव-कोलकाता नाइट राइडर्स : 

दिल्ली क्यापिटल्सले कुलदीप यादवमाथि विश्वास व्यक्त गरेको थियो । दिल्लीले उनलाई बारम्बार अवसर दियो। उनले पनि फ्रेन्चाइजलाई निराश गरेनन् । उनले १४ खेलमा २१ विकेट लिएका छन् ।

कुलदीपले बलिङमा मात्र नभई फिल्डिङले पनि सबैलाई प्रभावित पारे। उनले कोलकाता नाइट राइडर्सविरुद्धको १९औं खेलमा उत्कृष्ट क्याच लिएका थिए ।

८) राहुल त्रिपाठी-गुजरात टाइटन्स : 

सनराइजर्स हैदरावादका राहुल त्रिपाठीले गुजरात टाइटन्सविरुद्ध यस्तो क्याच लिए कि कमेन्टेटर ड्यानी मोरिसन पनि छक्क परे । उनले भने कि म यसको रिप्ले हेर्न चाहन्छु। प्रतियोगिताको २१ औं खेलमा भुवनेश्वर कुमारको बललाई शुभमन गिलले बाउन्ड्रीबाहिर पठाउन चाहेका थिए ।

रिङगमा उभिएका त्रिपाठीले डाइभिङ गर्ने क्रममा उत्कृष्ट क्याच लिए । उनको क्याच देखेर स्टेडियममा भएका सबै छक्क परे ।

९) शुभमन गिल-लखनऊ सुपर जायन्ट्स :

शुभमन गिलले आईपीएलको शुरुवातमा लखनऊ सुपर जाइन्ट्सविरुद्ध शानदार क्याच लिएर प्रतियोगितामा उत्साह ल्याएका थिए। उनले फ्रेन्चाइजको पहिलो खेलमा नै आफ्नो फिल्डिङ दम देखाएका थिए ।

१०) लियाम लिभिङस्टोन-चेन्नई सुपर किंग्स :

पञ्जाब किंग्सले लियाम लिभिङस्टोनले ११.५० करोड रुपैयाँ लगानी गरेको थियो । यी खेलाडीले टोलीलाई निराश पनि गरेनन् । उनले ब्याटिङ र बलिङमा राम्रो प्रदर्शन गरेपछि फिल्डिङमा पनि उत्कृष्ट प्रदर्शन गरे । उनले ११ औं खेलमा चेन्नई सुपर किंग्स विरुद्धको खेलमा क्याच लिए।