जीप चिप्लिएर किच्दा एक बालकको मृत्यु, चार घाइते

पाल्पा । तानसेनको बडीज्ञानटोलमा रोकिराखेको जीप चिप्लिेर किच्दा एक बालकको घटनास्थलमै  मृत्यु भएको छ भने अन्य चार जना घाइते भएका छन् । 

मृत्यु हुनेमा बगनासकाली–२, नायरका नौ महिनाका बालक भएको प्रहरीले जनाएको छ । 

हुलाकचोकदेखि आन्दोलनचोकतर्फ जाँदै गरेको ग १ च ६७४८ नं।को भैंसी बोक्ने जीपले बालकसहित अन्य मानिसलाई किचेको प्रहरी कार्यालयले जनाएको छ ।

घटनामा सानो दुधे बच्चा आमाको काखबाट उछिट्टिएर लडेपछि उनलाई गाडीले किचेको हो । 

घाइतेहरुको मिसन अस्पताल पाल्पामा उपचारको भइरहेको प्रहरीले जनाकारी दिएको छ ।