११ असार २०७९, शनिवार

२०७४ काे तुलनामा यसपटक उपमहानगरकाे समिकरण यस्ताे रह्याे !

२०७९,जेष्ठ,११,बुधबार २१:२५

21.357k
Shares

काठमाडौं । देशका ११ वटै उपमहानगरको अन्तिम मतपरिणम सार्वजनीक भइसकेको छ । यस पटक नेपाली कांग्रेस र एमालेले समान ३/३ उपमहानगरमा जित नाकेलेका छन् भने स्वतन्त्र उम्मेदवार बनेका तीन उम्मेदवारले पनि उपमहानगरको नेतृत्व लिएका छन् । माओवादी र नेकपा एस भने १/१ उपमहानगरमा सिमित भएका छन् ।

तुलसीपुर, घोराही र कलैयामा जित निकालेको एमालेले यस अघि ६ उपमहानगरमा जित निकालेको थियो । एमालेले यस पटक इटहरी, हेटौंडा, बुटबल र जितपुर उपमहानगर गुमायो भने यसअघि कांग्रेसले जितेको कलैयामा भने जित निकाल्न सफल भएको छ ।

धनगढी, धरान र जनकपुरधाम उपमहानगरमा यस पटक स्वतन्त्र उम्मेदवार निर्वाचित भएका छन् । यसअघि धनगढी र धरानमा कांग्रेसले जित निकालेको थियो । कांग्रेसले यस पटक बुटवल, नेपालगंज र इटहरीमा जितेको छ ।

हेटौंडा उपमहानगरमा नेकपा एस विजयी हुँदा जितपुर सिमरा उपमहानगरमा भने माओवादी विजयी भएको छ ।

 

उपमहानगरामा यसपटकको परिणाम यस्ताे छ :

धनगढी उपमहानगरपालिका

धनगढी उपमहानगरपालिका प्रमुखमा स्वतन्त्र उम्मेदवार गोपाल हमाल २६,८६५ मत ल्याई विजयी भएका छन् । उनले निकटतम प्रतिद्वन्द्वी नेपाली कांग्रेस उम्मेदवार नृपबहादुर वडलाई १२,०४८ मतान्तरले पराजित गरेका हुन् । पराजित नृपबहादुर वडले १४,८१७ मत ल्याएका छन् ।

यस्तै उपप्रमुखमा नेपाल कम्युनिष्ट पार्टी एमालेकी उम्मेदवार कन्द्कलाकुमारी राना १५,४७९ मत सहित विजयी भएकी छन् । उनका निकटतम प्रतिद्वन्द्वी नेपाल कम्युनिष्ट पार्टी (माओवादी केन्द्र)की उम्मेदवार शान्तिकुमारी अधिकारी क्षेत्रीले १२,६७० मत ल्याएकी छन् ।

 

हेटौंडा उपमहानगरपालिका

हेटौंडा उपमहानगरपालिका प्रमुखमा नेपाल कम्युनिष्ट पार्टी एकिकृत समाजवादीकी उम्मेदवार मीना कुमारी लामा २३,०७५ मत ल्याई विजयी भएकी छन् । उनले निकटतम प्रतिद्वन्द्वी नेपाल कम्युनिष्ट पार्टी एमालेका उम्मेदवार अनन्त प्रसाद पौडेललाई २,१६७ मतान्तरले पराजित गरेकी हुन् । पराजित अनन्त प्रसाद पौडेलले २०,९०८ मत ल्याएका छन् ।

यस्तै उपप्रमुखमा नेपाली कांग्रेसका उम्मेदवार राजेश बानिया ३२,५९३ मत सहित विजयी भएका छन् । उनका निकटतम प्रतिद्वन्द्वी नेपाल कम्युनिष्ट पार्टी एमालेकी उम्मेदवार सुमित्रा काफ्लेले २३,९०९ मत ल्याएकी छन् ।

 

बुटवल उपमहानगरपालिका

बुटवल उपमहानगरपालिका प्रमुखमा नेपाली कांग्रेस उम्मेदवार खेलराज पाण्डेय ३०,२४९ मत ल्याई विजयी भएका छन् । उनले निकटतम प्रतिद्वन्द्वी नेपाल कम्युनिष्ट पार्टी एमालेका उम्मेदवार बाबुराम भट्टराईलाई ७,५३१ मतान्तरले पराजित गरेका हुन् । पराजित बाबुराम भट्टराईले २२,७१८ मत ल्याएका छन् ।

यस्तै उपप्रमुखमा नेपाल कम्युनिष्ट पार्टी एमालेकी उम्मेदवार सावित्रादेवी अर्याल २५,०६१ मत सहित विजयी भएकी छन् । उनका निकटतम प्रतिद्वन्द्वी नेपाल कम्युनिष्ट पार्टी एकिकृत समाजवादीका उम्मेदवार चीनबहादुर गुरुङले १७,०२३ मत ल्याएका छन् ।

 

नेपालगंज उपमहानगरपालिका

नेपालगंज उपमहानगरपालिका प्रमुखमा नेपाली कांग्रेस उम्मेदवार प्रशान्त विष्ट २३,४६० मत ल्याई विजयी भएका छन् । उनले निकटतम प्रतिद्वन्द्वी नेपाल कम्युनिष्ट पार्टी एमाले उम्मेदवार पशुपति दयाल मिश्रालाई ११,७८५ मतान्तरले पराजित गरेका हुन् । पराजित पशुपति दयाल मिश्राले ११,६७५ मत ल्याएका छन् ।

यस्तै, उपप्रमुखमा जनता समाजवादी पार्टी, नेपालका उम्मेदवार कमरुद्दीन राई १७,९५० मत सहित विजयी भएका छन् । उनका निकटतम प्रतिद्वन्द्वी नेपाल कम्युनिष्ट पार्टी एमालेकी उम्मेदवार शान्तिदेवी ढकालले १०,९१५ मत ल्याएकी छन् ।

 

धरान उपमहानगरपालिका

धरान उपमहानगरपालिका प्रमुखमा स्वतन्त्र उम्मेदवार हर्कराज राई २०,८२१ मत ल्याई विजयी भएका छन् । उनले निकटतम प्रतिद्वन्द्वी नेपाली कांग्रेस उम्मेदवार किशोर राईलाई ४,७६२ मतान्तरले पराजित गरेका हुन् । पराजित किशोर राईले १६,०५९ मत ल्याएका छन् ।

यस्तै, उपप्रमुखमा नेपाल कम्युनिष्ट पार्टी माओवादी केन्द्रका उम्मेदवार अइन्द्रविक्रम बेघा २०,५१० मत सहित विजयी भएका छन् । उनका निकटतम प्रतिद्वन्द्वी नेपाल कम्युनिष्ट पार्टी एमालेका उम्मेदवार पदमप्रसाद लिम्बुले १७,६०६ मत ल्याएका छन् ।

 

इटहरी उपमहानगरपालिका

इटहरी उपमहानगरपालिका प्रमुखमा नेपाली कांग्रेस उम्मेदवार हेम कर्ण पौडेल ३३,०४९ मत ल्याई विजयी भएका छन् । उनले निकटतम प्रतिद्वन्द्वी नेपाल कम्युनिष्ट पार्टी एमालेका उम्मेदवार यामकुमार चुङ्गवाङ सुब्बालाई ५,०१८ मतान्तरले पराजित गरेका हुन् । पराजित यामकुमार चुङ्गवाङ सुब्बाले २८,०३१ मत ल्याएका छन् ।

यस्तै, उपप्रमुखमा नेपाल कम्युनिष्ट पार्टी एमालेकी उम्मेदवार संगीताकुमारी चौधरी ३२,४३६ मत सहित विजयी भएकी छन् । उनका निकटतम प्रतिद्वन्द्वी नेपाल कम्युनिष्ट पार्टी एकिकृत समाजवादीका उम्मेदवार केशवकुमार विष्टले १८,०३१ मत ल्याएका छन् ।

 

घोराही उपमहानगरपालिका

घोराही उपमहानगरपालिका प्रमुखमा नेपाल कम्युनिष्ट पार्टी एमाले उम्मेदवार नरुलाल चौधरी ३१,७२८ मत ल्याई विजयी भएका छन् । उनले निकटतम प्रतिद्वन्द्वी नेपाल कम्युनिष्ट पार्टी माओवादी केन्द्र उम्मेदवार हेमराज शर्मा पोख्रेललाई ५,३६० मतान्तरले पराजित गरेका हुन् । पराजित हेमराज शर्मा पोख्रेलले २६,३६८ मत ल्याएका छन् ।

यस्तै, उपप्रमुखमा नेपाल कम्युनिष्ट पार्टी एमालेकी उम्मेदवार हुमाकुमारी डिसी ३०,४०३ मत सहित विजयी भएकी छन् । उनका निकटतम प्रतिद्वन्द्वी नेपाली कांग्रेसका उम्मेदवार भुपबहादुर डाँगी क्षेत्रीले ३०,३५४ मत ल्याएका छन् ।

 

जनकपुरधाम उपमहानगरपालिका

जनकपुरधाम उपमहानगरपालिका प्रमुखमा स्वतन्त्र उम्मेदवार मनोजकुमार साह सुडी १३,४६५ मत ल्याई विजयी भएका छन् । उनले निकटतम प्रतिद्वन्द्वी नेपाल कम्युनिष्ट पार्टी एमाले उम्मेदवार शिवशंकर साहलाई ३,९३३ मतान्तरले पराजित गरेका हुन् । पराजित शिवशंकर साहले ९,५३२ मत ल्याएका छन् ।

यस्तै उपप्रमुखमा नेपाली कांग्रेसका उम्मेदवार किशोरी साह १५,५२५ मत सहित विजयी भएका छन् । उनका निकटतम प्रतिद्वन्द्वी नेपाल कम्युनिष्ट पार्टी एमालेकी उम्मेदवार रुणादेवी झाले १०,८८५ मत ल्याएकी छन् ।

 

कलैया उपमहानगरपालिका

कलैया उपमहानगरपालिकाको प्रमुखमा नेपाल कम्युनिष्ट पार्टी एमालेका विनोदप्रसाद साह निर्वाचित भएका छन् । उनले २४ हजार १ सय ३९ मत ल्याएर विजयी भएका हुन् । उनका निकटतम प्रतिद्वन्द्वी नेपाली कांग्रेसका राजेश राय यादवले १८ हजार ५ सय ४० मत ल्याए ।

त्यस्तै, उपप्रमुखमा पनि नेपाल कम्युनिष्ट पार्टी एमालेका रौशन परविन निर्वाचित भएका छन् । उनले १९ हजार २ सय ५१ मत ल्याए । उनका निकटतम प्रतिद्वन्द्वी जनता समाजवादी पार्टी, नेपालका प्रमोदप्रसाद गुप्ताले १८ हजार ३ सय २ मत ल्याए ।

 

जितपुर सिमरा उपमहानगरपालिका

जितपुर सिमरा उपमहानगरपालिका प्रमुखमा नेपाल कम्युनिष्ट पार्टी माओवादी केन्द्र उम्मेदवार राजन पौडेल १८,७४३ मत ल्याई विजयी भएका छन् । उनले निकटतम प्रतिद्वन्द्वी नेपाल कम्युनिष्ट पार्टी एमाले उम्मेदवार सरस्वतीदेवी चौधरीलाई ९६४ मतान्तरले पराजित गरेका हुन् । पराजित सरस्वतीदेवी चौधरीले १७,७७९ मत ल्याएकी छन् ।

यस्तै, उपप्रमुखमा नेपाल कम्युनिष्ट पार्टी एमालेका उम्मेदवार भोलाप्रसाद अधिकारी १७,४९२ मत सहित विजयी भएका छन् । उनका निकटतम प्रतिद्वन्द्वी नेपाली कांग्रेसकी उम्मेदवार मेघा शाहीले १५,८४२ मत ल्याएकी छन् ।

 

तुलसीपुर उपमहानगरपालिका

तुलसीपुर उपमहानगरपालिकाकाे प्रमुख र उपप्रमुखमा एमाले विजयी भएको छ । सत्ता गठबन्धनलाई हराउँदै एमालेबाट प्रमुखमा टीकाराम खड्का र उपप्रमुखकी उम्मेदवार स्यानी चौधरी भारी मतका साथ विजयी भएका हुन् । एमालेका खड्का ३१ हजार ४०८ मतका साथ विजयी भएका हुन् ।

यस्तै, उपप्रमुखमा चौधरीले गठबन्धनबाट एकीकृत समाजवादीका जोगबहादुर रानालाई ९ हजार ५३२ मतअन्तरले पराजित गरिन् । चौधरीले ३० हजार ५९७ मत प्राप्त गरेकी थिइन् ।

प्रकाशित मिति: २०७९,जेष्ठ,११,बुधबार २१:२५

प्रतिक्रिया दिनुहोस !
सम्बन्धित खबरहरु

बहुपदीय प्रणालीमा सहमति भएसँगै गैरआवासीय नेपाली संघ (एनआरएनए)मा पहिलो कार्यकारी अध्यक्ष भएका हुन् कुल आचार्य ।एनआरएनएको इतिहासमै पहिलोपटक बनेको यो

१. काठमाडौं महानगरपालिकाले प्रस्तुत गर्यो २५ अर्ब ४१ करोडको बजेट, ६ महानगरमध्ये पोखरा बाहेक सबै महानगरले ल्यायो स्थानीय तहको बजेट,

काठमाडाैं । स्थानीय तहमा उपप्रमुख वा उपाध्यक्षको आफ्नो छुट्टै भूमिका रहेको हुन्छ । उनीहरू पनि जनताबाटै प्रत्यक्ष रुपमा निर्वाचित भएर

काठमाडौं । नेकपा (एमाले)का अध्यक्ष केपी शर्मा ओलीले प्रचण्ड इमान्दार नभएकाले नेकपा विभाजन भएको आरोप लगाएको बताए। अध्यक्ष ओलीले प्रचण्डसँग

ताजा समाचार

प्रशिक्षण प्रतिष्ठानको प्रमुखमा खड्का
 २०७९,असार,१०,शुक्रवार २१:१६