११ असार २०७९, शनिवार

ओलीको हुङ्कार नटेरेका दुई उपमहानगर : जहाँ टिकेन एमालेको गढ

२०७९,जेष्ठ,१०,मंगलवार १८:०५

2.34k
Shares

काठमाडौं । यस पटकको स्थानीय तहको निर्वाचनमा धेरै उथलपुथल देखियो । कतै स्वतन्त्र उम्मेदवारको दबदबा देखियो भने कतै राजनीतिक दलमाथि पार्टीभित्रकै वितृष्णा खुलारुपमा देखियो । देशका मुख्य पार्टी भन्नेहरुको हैसियत स्वतन्त्र उम्मेदवार र जनताले मतमार्फत देखाइदिए ।

यस पटक ‘यो मेरो लालकिल्ला हो’ भन्ने पार्टीहरुको गढ कतै भत्किए भने कतै टेको लगाउनुपर्ने अवस्थामा पुगे । यसपालिको चुनावले एमालेको दुई मजबुद मानिएको उपमहानगरमा कांग्रेस प्रवेश गरेको छ ।

अझ रोचक त के छ भने, एमालेको गढमा कांग्रेस र कांग्रेसको गढमा एमाले विजयी हुँदा कतिपय पार्टीको त यस पटक गढ नै फेरियो ।

हेटौंडा उपमहानगर

२०४९ देखि ०७९ सम्म एकछत्र राज गर्दै आएको एमालेले हेटौंडामा ३० वर्षपछि आफ्नो नेतृत्व गुमाएको छ । अझ भन्नुपर्दा एमालेलाई आफैँबाट छुट्टिएको एउटा शक्ति अर्थात् नेकपा एसले नै हराइदिएको छ ।

२०४९ देखि २०७४ सम्म हेटौंडाको मेयर र उपमेयरमा एमालेले मात्र जित्न सफल भएकोमा यस पटक हेटौंडाको इतिहास बदलिएको छ । २०४९ मा नेपाली कांग्रेसका उम्मेदवारलाई हराउँदै मेयरमा डोरमणी पौडेल र उपमेयरमा हरिबहादुर महतले विजय हासिल गरेका थिए ।

२०५४ को स्थानीय निकायको निर्वाचनमा पनि पौडेल र महत नै दोस्रो कार्यकालका लागि चुनिएका थिए ।

त्यस्तै २०७४ को स्थानीय तह निर्वाचनमा दुई कार्यकाल उपमेयर भएका हरिबहादुर महत मेयरमा चुनिए भने उपमेयरमा मीनाकुमारी लामा विजयी भइन् ।

३० वर्ष एकछत्र राज गरेको एमाले यस पटक हेटौंडाबाट झोलीझ्याम्टा बोकेर हिँड्न बाध्य भयो । २०७४ मा एमालेबाट उपमेयर बनेकी मीनाकुमारी लामा यस पटक एमाले फुटेर बनेको एकीकृत समाजवादी पार्टी (एस) बाट मेयरमा चुनिएकी हुन् ।

हेटौंडामा ३० वर्षसम्म कसैले हराउन नसकेको एमालेलाई यस पटक एमालेले नै हरायो भन्दा अत्युक्ति नहोला । यो सफलता हात पारेको छ, नेकपा एकीकृत समाजवादीले । साथै देशले मीनाकुमारी लामाको रुपमा उपमहानगरमा एकमात्र महिला मेयरसमेत पाएको छ ।

बुटवल उपमहानगर

लुम्बिनी प्रदेशको बुटवल उपमहानगरपालिकामा पनि यस पटकको स्थानीय तहको चुनावदेखि एमालेको दबदबा समाप्त भएको छ । एमालेको दबदबा समाप्त पार्न सफल भएको छ, नेपाली कांग्रेस । भलै यहाँ पनि गठबन्धन थियो तर, लडाइँ भने एमाले र कांग्रेसको मात्र थियो ।

२०५४ देखि बुटवलमा हालीमुहाली गर्दै आएको एमाले यस पटक नेतृत्व तहमा रोकिएको मात्र छैन वडामा पनि खुम्चिएको छ । २०७४ मा ११ वटा वडामा नेतृत्व लिएको एमाले यस पटक ५ वडामा सीमित भएको छ ।

उपमेयरमा भने एमालेकी सावित्रीदेवी अर्यालले जित निकालेकी छिन् । यहाँ उपमेयरमा पाएको सफलतामा नै एमाललेले चित्त बुझाएको छ ।

प्रकाशित मिति: २०७९,जेष्ठ,१०,मंगलवार १८:०५

प्रतिक्रिया दिनुहोस !
सम्बन्धित खबरहरु

  नेपाली कांग्रेसले पार्टीको केन्द्रीय नीति, अनुसन्धान तथा प्रशिक्षण प्रतिष्ठानको प्रमुखमा उपसभापति पूर्णबहादुर खड्कालाई जिम्मेवारी दिएको छ । पार्टी सभापति

बहुपदीय प्रणालीमा सहमति भएसँगै गैरआवासीय नेपाली संघ (एनआरएनए)मा पहिलो कार्यकारी अध्यक्ष भएका हुन् कुल आचार्य ।एनआरएनएको इतिहासमै पहिलोपटक बनेको यो

१. काठमाडौं महानगरपालिकाले प्रस्तुत गर्यो २५ अर्ब ४१ करोडको बजेट, ६ महानगरमध्ये पोखरा बाहेक सबै महानगरले ल्यायो स्थानीय तहको बजेट,

काठमाडाैं । स्थानीय तहमा उपप्रमुख वा उपाध्यक्षको आफ्नो छुट्टै भूमिका रहेको हुन्छ । उनीहरू पनि जनताबाटै प्रत्यक्ष रुपमा निर्वाचित भएर

ताजा समाचार

प्रशिक्षण प्रतिष्ठानको प्रमुखमा खड्का
 २०७९,असार,१०,शुक्रवार २१:१६