१३ असार २०७९, सोमवार

महानगरमा नील हुँदै उपमहानगरमा खुम्चियो एमाले

२०७९,जेष्ठ,९,सोमवार ११:३६

1.746k
Shares

काठमाडौं । यस पटकको स्थानीय तहको निर्वाचनमा नेकपा एमाले पहिलो पार्टीबाट दास्रोमा झरेको छ ।

२०७४ मा २ सय ९४ पालिकामा प्रमुख, ३ सय ३१ पालिकामा उपप्रमुख, २ हजार ५६० वडा अध्यक्ष र १० हजार ९१२ जना वडा सदस्यहरूसहित पहिलो पार्टीको रूपमा स्थापित भएको एमाले अहिले दास्रोमा पुगेको छ ।

उता २ सय ६६ पालिकामा प्रमुख , २ सय २३ पालिकामा उपप्रमुख, २ हजार २८६ वडा अध्यक्ष र ८ हजार ६७९ जना वडा सदस्यहरूसहित दास्रो भएको नेपाली कांग्रेस यस पटकको निर्वाचनमा भने पहिलो पार्टी बनेको छ ।

पछिल्लो मतपरिणमअनुसार नेपाली कांग्रेस ३ सय २० पालिकामा प्रमुख र २ सय ९५ उपप्रमुखमा जित निकाल्दै पहिलो पार्टी बनेको छ । २ सय पालिकाप्रमुख र २३० उपप्रमुखमा जित निकाल्दै नेकपा एमाले दोस्रो स्थानमा रहेको छ ।

२०७४ मा देशका ६ महानगरमध्ये २ महानगरमा आफ्नो स्थान बनाएको एमाले यस पटक भने शून्य हुने देखिएको छ । पोखरामा जित्ने आश गरेको एमाले त्यहाँ नेकपा एस हाबी हुँदा हार्ने निश्चितजस्तै भएको छ ।

त्यस्तै काठमाडौंमा स्वतन्त्र उम्मेदवार पक्काजस्तै भइसकेका छन् । एमालेले यसअघि जितेका यी दुई महानगर यस पटक एमालेको हातबाट खुस्किसकेको छ ।

११ वटा उपमहानगरमध्ये यसअघि ६ उपमहानगरमा जीतेको एमाले यस पटक तीनवटामा मात्र सीमित हुने देखिएको छ । कलैया र घोराही उपमहानगरमा जित हासिल गरिसकेको छ भने तुलसीपुर उपमहानगर राम्रै अग्रता लिइरहेको छ ।

यसअघि जितेको बुटवल र इटहरीमा कांग्रेस विजयी भइसकेको छ भने हेटौंडामा नेकपा एसले जितेको छ । जीतपुर सिमरामा यस पटक माओवादी विजयी हुँदा कांग्रेसले जितेको कलैयामा भने यस पटक एमालेले जित निकालेको छ ।

२०७४ मा एमालेले जितेको महानगर

१. काठमाडौं महानगरपालिका
२. पोखरा महानगरपालिका

२०७४ मा एमालेले जितेको उपमहानगर

१. हेटौंडा उपमहानगरपालिका
२. इटहरी उपमहानगरपालिका
३. जितपुर सिमरा उपमहानगरपालिका
४. तुलसीपुर उपमहानगरपालिका
५. घोराही उपमहानगरपालिका
६. बुटवल उपमहानगरपालिका

 

प्रकाशित मिति: २०७९,जेष्ठ,९,सोमवार ११:३६

प्रतिक्रिया दिनुहोस !
सम्बन्धित खबरहरु

खोटाङ । भारी वर्षाका कारण खोटाङको बराहपोखरी गाउँपालिकाका सबै सडक ठप्प भएको छ । गत १० असार राती परेको अबिरल

काठमाडौं । नेकपा(माओवादी केन्द्र) का अध्यक्ष पुष्पकमल दाहालले अहिले शोधनान्तर घाटाको स्थिति आउनुमा केपी ओली नेतृत्वको पूर्ववर्ति सरकार जिम्मेवार रहेको

काठमाडौं । महिला, बालबालिका तथा ज्येष्ठ नागरिक मन्त्री उमा रेग्मीले महिला बालबालिका तथा ज्येष्ठ नागरिक मन्त्रालय एउटा प्रोजेक्ट जस्तो भएको

लमजुङ । तत्काल मल उपलब्ध गराउन राप्रपा लमजुङले कृषि ज्ञान केन्द्र लमजुङमा ज्ञापनपत्र बुझाएको छ । राष्टिय प्रजातन्त्र पार्टी लमजुङले

ताजा समाचार

धादिङबाट पेस्तोलसहित दुई जना पक्राउ
 २०७९,असार,१३,सोमवार २०:०३