काठमाडौ । महानगरीय प्रहरी बृत्त दरवारमार्ग पछिल्लो समयमा अपराध विरुद्धको अभियानमा आक्रमक रुपमा देखिएको छ ।
‘ब्यलाक स्टोन’ (कालो हिरा) देखि दरवारमार्गक्षेत्रलाई आधार बनाएर गुण्डागर्दी तथा चन्दा अशुली गर्दै आएका कुख्यात अपराधिलाई पक्राउ गर्न सफल भएको छ ।
पत्थरको राजा रातो रुबी बरामद
आइतवार साँझमात्र बहुमूल्य बस्तु रुबी दुई किलो सहित लैनचौरबाट एक ब्यक्तिलाई पक्राउ गर्न सफल भएको छ ।
पत्थरकी रानी भनेर चिनिने उक्त रुबी सहित पक्राउ पर्ने ललितपुर जिल्लाको थसिखेलमा ४८ वर्षीय दिपक सिजापति रहेका छन् ।
रातो रंगकाने रुबी बोकेर विक्री वितरणका लागि ग्राहक खोज्दै हिडेको अवस्थामा प्रहरीले उनलाई पक्राउ गरेको हो ।
प्रहरी बृत्तका प्रमुख डिएस्पी दानबहादुर मल्लले अपराधीलाई कानुनको कठघरामा उभ्याउन आफूहरुले सशक्त र प्रभावकारी अभियान सञ्चालन गरेको बताछन् ।
डिएस्पी मल्ल असार महिनाको उत्कृष्ठ प्रहरी अवार्डबाट समेत पुरस्कृत भएका थिए । दरवारमार्ग बृत्तको नेतृत्व पाएको छोटो समयमा नै मल्ल अपराध नियन्त्रण र अपराधि पक्राउ गर्न सफल भएका हुन ।
यौनअखडामा छापा
त्यस्तैं, आइतवार नै लाजिम्पाटस्थित एकघरमा फ्ल्याट भाडामा लिएर यौन अखडाको रुपमा देहब्यापार सञ्चालन गर्दै आएका दुई महिलालाई पक्राउ गरेको छ ।
दरवारमार्गका विभिन्न मसाज तथा स्पा सेण्टरमा सम्पर्क पठाइ त्यहाँका युवतीहरुलाई आफ्नै फ्ल्याटमा लगेर देहब्यापार सञ्चालन गरेको अभियोगमा ती महिला पक्राउ परेका हुन ।
पक्राउ पर्नेहरुमा ललितपुर पाटनकी २८ वर्षीय प्रिया श्रेष्ठ र मकवानपुर हेटौडाकी १८ वर्षीय मन्दिरा तामाङ छन् ।
उनीहरुले दरवारमार्गबाट देहब्यापार गर्नका लागि वोलाएकी एक युवतीलाई देहब्यापार गरेवापतको नगद रकम नदिएपछि विवाद उत्पन्न भएको थियो ।
अबैध भारु सहित दुई पक्राउ
अबैध भारु १२ लाख ७० हजार साथमा राखेर हिडिरहेको अवस्थामा राजेन्द्र सराठी र सुरज मल्ल पक्राउ परेका छन् ।
ब्यापार ब्यवसायमा संल्गन उनीहरुले यतिको रकम अबैध रुपमा बोकेको अवस्थामा प्रहरीले पक्राउ गरेको हो ।
उनीहरुको साथबाट बरामद भारु प्रहरीले बरामद गरी आन्तरिक राजस्व कार्यालयको जिम्मा लगाएको छ ।
नेपालमा स्रोत नखुलेको एकलाख भारु भन्दा माथिको नगद बोकेर हिड्न वा साथमा राख्न कानुनी रुपमा अबैध मानिन्छ ।
यो खबर पढेर तपाईलाई कस्तो महसुस भयो ?
प्रतिक्रिया