रसुवा । जिल्लाको कालिका गाउँपालिका वडा नं ५ को वडाध्यक्षमा नेपाली कांग्रेसका उम्मेदवार सन्दिप पौडेलले प्यानलसहित जित हासिल गरेका छन् ।
सोमबार दिउँसो आएको अन्तिम परिणाम अनुसार उनी ७३१ मतसहित जित विजयी भएका हुन् । उनका निकटतम प्रतिद्धन्दी नेकपा एमालेका उम्मेदवारले ३७० मत मात्रै ल्याएका थिए ।
त्यसैगरी कालिका गाउँपालिकको अध्यक्ष र उपाध्यक्षमा नेपाली कांग्रेसका उम्मेदवाहरुले विजयी हासिल गरेका छन् ।
कालिका गाउँपालिकाको अध्यक्षमा हरिकृष्ण देवकोटा (२६२२) ल्याएर विजयी भएका हुन् । उनका प्रतिद्वन्द्वी नेकपा एमालेका कमलनाथ आचार्यले २ हजार २ सय ८३ मत प्राप्त गरेका छन् । नेकपा माओबादी केन्द्रका सोमबहादुर तामाङले १ हजार ५ सय २२ मत प्राप्त गरे ।
त्यसैगरी गाउँपालिका उपाध्यक्षमा नेपाली कांग्रेसकै मिरा लामाले २ हजार ८ सय १० मत ल्याएर विजयी भइन् । उनका प्रतिद्वन्द्वी नेकपा एमालेकी अम्बिका भट्ट (पौडेल)ले २ हजार २ मत प्राप्त गरिन् ।
यो खबर पढेर तपाईलाई कस्तो महसुस भयो ?
प्रतिक्रिया