बेनी–जोमसोम सडक पहिरोले अवरुद्ध, विद्युत आपूर्ति बन्द

जोमसोम: बेनी–जोमसोममा पहिरो खस्दा यातायात अवरुद्ध हुनुका साथै विद्युत आपूर्ति समेत बन्द भएको  छ । 
रघुगंगा गाउँपालिका २ र ३ वडामा पर्ने चमेरे र बैंसरीमा पहिरो खसेको हो  ।  

सोही गाउँपालिकाको चमेरेमा पनि माथीबाट झरेको लेदोको थुप्रोका कारण सवारी अवरुद्ध छ । 

पहिरो पन्छ्याउने प्रयास भएपनि झरी निरन्तर रहेकोले बाधा पुगेको प्रमुख जिल्ला अधिकारी लिलाधर अधिकारीले बताए । 

बेनी–जोमसोम सडकमा बाढी पहिरोको जोखिम उच्च भएपछि प्रशासन कार्यालयले साँझ ६ बजेदेखी बिहान ६ बजेसम्म १२ घन्टा आपतकालिन अवस्थामा बाहेक यातायात संञ्चालनमा रोक लगाएको छ ।