काठमाडौं । काठमाडौं महानगरपालिकाको जारी मतगणनामा स्वतन्त्रबाट मेयरको उम्मेदवार बनेका बालेन साहले १ हजार ६ सय ७६ मतले अग्रता कायम गरेका छन् ।
केहीबेर सार्वजनिक मतगणना अनुसार उनका निकटतम प्रतिद्धन्दी नेकपा एमालेबाट मेयरको उम्मेदवार बनेका केशव स्थापित १ हजार ८ सय ५६ रहेका छन् । भने बालेनले ३ हजार ५ सय ३२ मत प्राप्त गरेका छन् । सुरुवाती अग्रता कायम गरेका स्थापित र दोस्रो बनेकी सिर्जना सिंहलाई उछिन्दै बालेनले अग्रता कायम गरेका हुन् ।
हाल गठबन्धन (नेपाली कांग्रेस) बाट उम्मेदवार बनेकी सिर्जना सिंह भने १ हजार ६ सय ६८ मतसहित तेस्रो स्थानमा रहेकी छिन् ।
हाल काठमाडौं महानगर १,२,३,४,३१ र ३२ वडाको राष्ट्रिय सभागृहमा मतगणना जारी रहेको छ ।
यता उपमेयरमा भने नेकपा एमालेबाट उम्मेदवार बनेकी सुनिता डंगोलले अग्रता कायम गरेकी छिन् ।
यो खबर पढेर तपाईलाई कस्तो महसुस भयो ?
प्रतिक्रिया