काठमाडौं । काठमाडौं महानगरपालिकामा तीन वडाको मतगणना थालिएको छ ।
सुरुमा काठमाडौं महानगरपालिका वडा नं १ र ३२ मतगणना गरिएकोमा हाल वडा नं २ को समेत मतगणना सुरु गरिएको निर्वाचन आयोगले जनाएको थियो ।
मतगणनामा ढिलाइ भएसँगै मतगणनास्थल थप गरि गणनालाई तीव्रता दिइएको हो ।
जारी मतगणनामा महानगरको स्वतन्त्रबाट मेयरको उम्मेदवार बनेका बालेन साहले सुरुवाती अग्रता कायमै राखेका छन् । हालसम्म उनले २९७ मत प्राप्त गरेका छन् । त्यस्तै उनलाई नेकपा एमालेका उम्मेदवार केशव स्थापितले पच्छ्याइरहेका छन् । स्थापितले हाल १९७ मत प्राप्त गरेका छन् ।
त्यस्तै १४७ मतसहित गठबन्धनकी उम्मेदवार सिर्जना सिंह तेस्रो भएकी छिन् ।
काठमाडौंको राष्ट्रिय सभा गृहमा मतदान जारी रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया