पोखरा महानगरका अधिकृत तिवारीको मृत्यु

पोखरा –पोखरा महानगरपालिकाका जिन्सी शाखा प्रमुख चूडामणि तिवारीको मृत्यु भएको छ ।  विहिबार विहान ३ बजे तिवारीको मृत्यु भएको हो । 

केही समय देखि दमको बिरामी रहेका तिवारीको दमकै कारण निधन भएको पारिवारिक स्रोतले जनाएको छ । स्याङजाको स्वरेक पकान स्थायि घर भएका तिवारी विगत २५ बर्ष देखि पोखरा महानगरपालिकामा कार्यरत थिए । 

मिलनसार र सहयोगी कर्मचारीको रुपमा परिचित तिवारीको निधनको खबरले आफूहरु मर्माहत भएको महानगरका लेखापाल तोरण कुँवरले बताए ।