संसदीय सदस्यहरुको सुरक्षाका लागि निजी सुरक्षा अधिकारी

काठमाडौं । संसदीय सुनुवाइ समितिका सदस्यहरुको सुरक्षाका लागि प्रहरी प्रधान कार्यालयले निजी सुरक्षा अधिकारी (पीएसओ) खटाएको छ ।

समिति सदस्यहरुको सुरक्षा संवेदनशीलतालाई मध्यनजर गर्दा सुरक्षार्थीको आवश्यकता महसुस भएपछि पीएसओ खटाइएको हो । समितिका १५ सदस्यमध्ये ७ जनाले यो सुविधा लिएका छन् भने केहीले पहिल्यैदेखि सुरक्षाकर्मी राख्दै आएका थिए ।

जिल्ला सुरक्षा समन्वय समितिको सिफारिशपछि उनीहरुलाई पीएसओको सुविधा दिइएको स्रोतले बताएको छ ।