काठमाडौं । दुबईस्थित नेपाली दूतावासको नक्कली छाप र कीर्ते दस्तखत गरेर राजधानीको एक म्यानपावर कम्पनीले वैदेशिक रोजगार विभागमा कीर्ते मागपत्र पेश गरेको पाइएको छ ।
राजधानीको बसुन्धारास्थित ग्रेट स्काई इन्टरनेशनल मेनपावर कम्पनीले यसरी कीर्ते मागपत्र ल्याएको खुलेको हो ।
कुनैपनि मेनवार कम्पनीले मागपत्र ल्याउनुअघि सम्बन्धित दूतावास वा सम्बन्धित देश हेर्ने दूतवासले राजदूतले प्रमाणीकरण गर्नुपर्ने नियम छ । तर ग्रेट स्काई इन्टरनेशनल मेनपावर कम्पनीले तयार पारेको मागपत्रमा प्रमाणीकरण नै नगराई फर्जी मागपत्र तयार पारेर विभागमा बुझाएको पाइएको हो ।
विभागले सोबारे राय लिनको लागि दूबईस्थित दूतवासमा पत्राचार गरेपछि कीर्तेको पर्दाफास हुन पुगेको हो ।
विभागले मंगलवार कीर्ते गर्ने कम्पनीमा छापा मारेर कागजात नियन्त्रणमा लिएको जनाएको छ । कम्पनीमाथि छानबिन गरेर कडाभन्दा कडा कारबाही गरिने पनि विभागले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया