१३ मङ्सिर २०७९, मंगलवार

तीन वर्षदेखि पुल निर्माण अलपत्र

२०७४,आश्विन,२८,शनिवार ०५:०६

0
Shares

जाजरकोट, २८ असोज ।जाजरकोट–डोल्पा सडकखण्डको वैरिताल चिसापानीबीचमा रहेको भेरी नदीमा पुल चार वर्षदेखि निर्माण हुन नसक्दा सर्वसाधारणलाई समस्या हुँदै आएको छ ।दुवै किनारा अर्थात् चिसापानी वैरितालमा पिल्लरको निर्माणसमेत पूरा नहुँदा कामले गति लिन नसकेको हो । पिल्लर अधुरै छाडेको तीन वर्ष बितेको छ । पुलको स्लापलगायत अन्य कामको अत्तोपत्तो छैन । सडक विभाग र निर्माण कम्पनीको लापरबाहीले पुल निर्माण अलपत्र परेको स्थानीयवासीले बताए ।आशिष निर्माण सेवा काठमाडौँले पुल निर्माणको जिम्मा लिएको थियो । रु आठ करोडको लागतमा निर्माण हुने ६६ मिटर लामो पुलको निर्माण अवधि गत मंसिरमै सकिएको चौरजहारीस्थित सडक डिभिजन कार्यालयका इन्जिनियर सुशील पौडेलले बताए । निर्माण कम्पनीलाई ३६ महिना म्याद थपे पनि काम हुन सकेको छैन ।निर्माण कम्पनीले बैरीताल पुल निर्माणका उपकरण तथा सामग्री अन्यत्रै लगेर काम स्थगित गरेको छ । व्यवसायीले हचुवाका भरमा दररेट हाल्ने, सम्झौता गर्ने, पेस्की लिने र काम गर्न आलटाल गर्ने प्रवृत्तिले अधिकांश पूर्वाधार अलपत्र परेको इन्जिनियर पौडेलले बताए । “चालू आवमा पनि पुल निर्माण कार्य पूरा हुने सम्भावना देखिँदैन”, उनले भने । चालू आवमा पुल निर्माण सम्पन्न नभए ठेक्का सम्झौता तोड्नुको विकल्प नभएको उनको भनाइ छ ।पुल निर्माण अलपत्र पर्दा जाजरकोट–डोल्पा सडक, नलसिंह गाड जलविद्युत्लगायत राष्ट्रिय महत्वका आयोजनाको निर्माणमा बाधा पुगेको छ । स्थानीय बासिन्दालाई आवतजावत र दैनिक उपभोग्य वस्तुको ओसारपसारमा समेत कठिनाइ भएको खगेनकोटका हरिबहादुर खत्रीले बताए । 

प्रकाशित मिति: २०७४,आश्विन,२८,शनिवार ०५:०६

प्रतिक्रिया दिनुहोस !
सम्बन्धित खबरहरु

गण्डकी । पर्यटकीय नगरी पोखराका प्राचीन संस्कृतिमध्येको एक हो यहाँको भैरव नृत्य । पछिल्लो समयमा प्रत्येक छ/छ वर्षमा गरिँदै आएको

धनुषा । पौराणिक प्रचलनअनुसार मधेस प्रदेशको राजधानी जनकपुरधाममा आज सीताराम विवाह महोत्सव मनाइँदै छ । जनकनन्दिनी सीताको विवाह भएको दिनको

काठमाडौं । प्रत्येक वर्ष मार्गशीर्ष शुक्ल पञ्चमीका दिन मनाइने विवाह पञ्चमी पर्व आज श्रीरामचन्द्र र सीताको पूजा आराधनासहित प्रतीकात्मक रुपमा

काठमाडाैँ । अमेरिकी फोटोग्राफर कितिया पावलोव्स्कीले नेपालको सगरमाथा क्षेत्रमा खिचेको भनिएको हिउँ चितुवाको तस्वीर नक्कली भएको दाबी गरिएको छ ।

ताजा समाचार

सुपार मादी हाइड्रोपावरको आइपीओ आउँदै
 २०७९,मङ्सिर,१३,मंगलवार १३:५८
तेस्रो पटक संसद प्रवेश गर्दै महासेठ
 २०७९,मङ्सिर,१३,मंगलवार १३:५४
सुदूरपश्चिममा डेंगु सङ्क्रमण घट्दो
 २०७९,मङ्सिर,१३,मंगलवार १३:२७
प्रदेशसभाको समानुपातिकमा पनि एमाले अगाडि
 २०७९,मङ्सिर,१३,मंगलवार १२:५०