मतदाताहरुको शिर निहुरिन दिन्नँ : सिर्जना सिंह

काठमाडौं । काठमाडौं महानगरमा गठबन्धनबाट मेयरको उम्मेदवार सिर्जना सिंहले आफूलाई मत दिने मतदाताहरुको शिर निहुरिन नदिने प्रतिबद्धता व्यक्त गरेकी छिन् ।

आज काठमाडौंमा आयोजित ५ दलीय गठबन्धनको संयुक्त चुनावी सभालाई सम्बोधन गर्दै कांग्रेस नेतृ एवं मेयरकी उम्मेदवार सिंहले आफूबाट उम्मेदवारहरुले गरेको आशालाई पूरा गर्ने प्रयत्न गर्ने समेत बताइन् ।

‘म कहिले पनि मतदाताको कहिल्यै पनि शिर निहुरिन दिन्नँ’, कार्यक्रमलाई सम्बोधन गर्दै उनले भनिन् ।

त्यस्तै काठमाडौं महानगरमा युवाहरुलाई परिचालन गरेर उद्यमी बनाउने समेत प्रतिबद्धता व्यक्त गरिन् ।

‘युवाहरुलाई परिचालन गरेर उहाँहरुलाई उद्यमी बनाउन चाहन्छु’, उनले भनिन् ।

त्यसैगरी आगामी स्थानीय तहको निर्वाचनमा आफू मेयर बनिसकेपछि युवाहरुले दिने नभई आफूले युवाहरुलाई दिने प्रतिबद्धता व्यक्त गरेकी छिन् ।