एनटीआरको विवाहअघि नै भएको थियो हंगामा, बेहुलीले लगाएकी थिइन् १ करोडको सारी

काठमाडौं । साउथ अभिनेता जुनियर एनटीआर आज साउथलगायत पूरै भारतका स्टार बनेका छन् । उनको फ्यान फलोइङले बलिउड कलाकारलाई समेत पछि पारेका छन् ।

हिन्दी भाषाका दर्शकहरू जुनियर एनटीआरको व्यावसायिक जीवनका साथै व्यक्तिगत जीवनको बारेमा पनि जान्न चाहन्छन्। तर यो पनि एक तथ्य हो कि अभिनेताहरु आफ्नो व्यक्तिगत जीवनलाई लाइमलाइटबाट टाढा राख्छन्।

आज मे ५ अर्थात् जुनियर एनटीआर र उनकी श्रीमती लक्ष्मी प्रणथीको विवाहको वार्षिकोत्सव । यस विशेष अवसरमा हामी तपाईँलाई अभिनेताको विवाहसँग सम्बन्धित केही रोचक कुराहरू बताउँछौँ।

१० वर्ष कान्छी केटीसँग गरेका थिए विवाह : 

जुनियर एनटीआरको नाम समीरा रेड्डीसहित टलिउडका धेरै अभिनेत्रीसँग जोडिएको थियो । तर अभिनेताले अन्ततः विवाह गर्ने निर्णय गरे। जेआर एनटीआर आफैले १० वर्ष कान्छी लक्ष्मीलाई आफ्नो जीवनसाथीको रूपमा रोजेका थिए।

लक्ष्मीलाई अभिनेताका लागि चन्द्रबाबु नायडू (आन्ध्र प्रदेशका पूर्वमुख्यमन्त्री) द्वारा मन पराइएको थियो। ५ अप्रिल २०११ मा जुनियर एनटीआर र लक्ष्मी प्रणथीसँग विवाह भयो। लक्ष्मी प्रसिद्ध तेलुगु न्युज च्यानल ‘स्टुडियो एन’का मालिक लक्ष्मी नर्ने श्रीनिवास रावकी छोरी हुन्।

जुनियर एनटीआर र लक्ष्मीको विवाह निकै भव्य शैलीमा भएको थियो जसमा १०० करोड रुपैयाँ खर्च भएको थियो । दुवैको विवाहसँग जोडिएको धेरै कथा फिल्मी जगतमा चर्चित छ । पूर्वमुख्यमन्त्री रामारावले नातिनी र जूनियर एनटीआरको विवाहमा कुनै कसर बाँकी नराखेको बताइएको छ ।

विवाहमा पैसा पानी जस्तै बगाइएको थियो । एक रिपोर्टका अनुसार यो विवाहमा करिब १०० करोड रुपैयाँ खर्च भएको थियो । अभिनेताको दुलहीले १ करोड मूल्यको साडी लगाएको दाबी गरिएको छ । यति मात्र होइन, मण्डप सजाउन पनि १८ करोड रुपैयाँ खर्च भएको बताइएको छ । विवाहमा १५ हजार पाहुना पुगेकाले उनीहरुका लागि विशेष रेल चलाउनुपरेको पनि बताइएको छ ।

बिहेअघि हंगामा :

जुनियर एनटीआर र लक्ष्मीको बिहेअघि निकै हंगामा भएको थियो । दुवैले सन् २०११ मा विवाह गरेका थिए । त्यतिबेला लक्ष्मी १८ वर्षकी थिइन् तर जुनियर एनटीआर सन् २०१० मा लक्ष्मीसँग विवाह गर्न चाहन्थे ।

त्यतिबेला लक्ष्मी १७ वर्षकी मात्र थिइन् । जसका कारण अभिनेताविरुद्ध बालविवाह ऐनअन्तर्गत मुद्दा समेत दर्ता भएको थियो । यही कारणले अभिनेताले विवाहको लागि कुर्नुपरेको थियो । आजको समयमा जुनियर एनटीआर र लक्ष्मी दुई सन्तानका अभिभावक हुन् ।