राजीनामा दिने मनस्थितिमा माओवादी मन्त्री

काठमाडौँ, २८ असोज-  माओवादी केन्द्रका शीर्ष नेताहरूको बैठक बोलाइएको  छ । प्रम शेर बहादुर देउवाले राप्रपालाई सरकारमा सहभागी गराउन लागेपछि अब  सरकारमा रहिरहने वा राजीनामा दिने विषयमा निर्णय गर्न शनिबार माओवादीले बैठक बोलाएको हो |माओवादी मन्त्रीहरूले नैतिक प्रश्न उठ्ने देखिएमा शनिबार वा आइतबार बिहानसम्म राजीनामा दिने मनस्थिति बनाएका छन् ।तर, माओवादीले सरकारमा भए वा नभए पनि निर्वाचन सार्न नमिल्ने पहिलो सर्त बनाएको छ ।मन्त्रीसहितका नेताहरूको सुझाबपछि अध्यक्ष प्रचण्डले  निर्णय गर्ने बताइएको छ  ।