कामु प्रधानन्यायाधीश जोशीको सुनुवाइ आज

काठमाडौं । प्रधानन्यायाधीशमा सिफारिस गरिएका दीपकराज जोशीको सुनुवाइ आज हुने भएको छ । 

प्रधानन्यायाधीशमा सिफारिस गरिएका सर्वोच्च अदालतका कायममुकायम प्रधानन्यायाधीश जोशीको बिहीबार दिउँसो १ बजे संसदीय समितिमा सुनुवाइ हुन लागेको हो ।

संवैधानिक परिषद्को निर्णयबाट यही जेठ २९ गते जोशी प्रधानन्यायाधीशमा सिफारिस भएका थिए । 

जोशीविरुद्ध ५ उजुरी परेका छन् । जोशीको सबैभन्दा ठूलो विवाद यसअघिका प्रधानन्यायाधीश गोपाल पराजुलीको जस्तै शैक्षिक योग्यतामा देखिएको छ ।