काठमाडौं । चितवनमा प्रहरी र प्रदर्शनकारीबीच झडप भएको छ । भरतपुर महानगरपालिकाले तीनपांग्रे सवारी साधन सञ्चालनमा रोक लगाएको विरोधमा चालकहरुले गरेको प्रदर्शनका क्रममा झडप हुन पुगेको हो । सो क्रममा एक आन्दोलनकारी घाइते भएका छन् ।
स्थिति नियन्त्रणमा लिन प्रहरीले सात राउण्ड हवाई फायर र दर्जनौं सेल अश्रुग्यास प्रहार गरेको बताइएको छ ।
अटो रिक्सा तथा ट्याम्पोलाई राजमार्गमा गुड्न नदिने भरतपुर महानगरपालिकाको निर्णयको उनीहरुले विरोध गर्दै आएका छन् । विरोधका कारण आहिले पुर्व पश्चिम राजमार्ग अवरुद्ध बनेको छ ।
भरतपुर महानगरपालिकाले गएको साउन ५ गतेदेखि राजमार्ग क्षेत्रमा अटो रिक्सा र ट्याम्पो चलाउन रोक लगाउने निर्णय गरेको थियो । सो निर्णयको विरोधमा उच्च अदालत हेटौडामा मुद्दा समेत परेको थियो ।
तस्बिर सौजन्यः नबराज मिश्र
यो खबर पढेर तपाईलाई कस्तो महसुस भयो ?
प्रतिक्रिया