‘मि टु’ आरोपबारेको प्रश्नमा स्थापितको आक्रोश : ‘यु आर नाइस लेडी, तर तपाईँको थुतुनो ठीक छैन’

काठमाडौं। नेकपा एमालेबाट काठमाडौं महानगरको मेयरको उम्मेदवार बनेका केशव स्थापितले आफूमाथि लागेको ‘मि टु’ आरोपबारे प्रश्नको प्रश्नमा अराजक शैली प्रर्दशन गरेका छन् ।

बिहीबार नेसनल कलेजले आयोजना गरेको ‘स्थानीय चुनाव : युवाको आशा र जिज्ञासा’ कार्यक्रममा विद्यार्थीहरुले ‘मी टु’ आरोपको बारेमा उनीसँग प्रश्न गरेका थिए ।

प्रश्नपछि आफू बसेको कुर्सीबाट नै उठेर प्रश्न गर्नेविरुद्ध नै जंगिए ।

‘मलाई लागेको आरोप लगाइयो । आरोप लगाउनेसँग प्रमाण हुनुपर्छ’, स्थापित प्रश्न गर्ने विद्यार्थीप्रतिनै जंगिदै भने, ‘ यु आर नाइस लेडी तर तपाईँको थुतुनो ठीक छैन ।’

स्थापितलाई त्यहाँ सहभागीहरुले आफ्नो स्थानमा बस्नका लागि आग्रह गरे । उनी फेरि जंगिदै उठेर भने, ‘केशव स्थापित रिसको भाँडा हो । नरिसाउनु भन्न पाइन्छ ?’