पोखराको मेयरमा एमालेका अर्का विवादित उम्मेदवार

काठमाडौंं । नेकपा एमालेले पोखरा महानगरपालिकाको मेयरमा कृष्णबहादुर थापालाई उम्मेदवार बनाउने निर्णय गरेको छ ।थापाले मेयर पदका लागि उम्मेदवारी दर्ता गर्न प्रदेश सभा सदस्यबाट राजीनामा दिएका छन् ।

एमालेले शनिबार दिपक पौडेललाई पोखराको मेयरमा उम्मेदवार बनाउने निर्णय गरे पनि पोखराको एक सुनचाँदी पसलबाट सुन चोरेको भिडियो सार्वजनिक भएपछि पार्टीले उनको नाम फिर्ता लिएको छ ।

तर, नयाँ उम्मेदवार थापा पनि विवादमुक्त छैनन् । जातीय विभेदको आरोपमा थुनामा परेकाहरुलाई रिहा गर्न माग गरेपछि उनी विवादमा परेका थिए ।तर थापाले विज्ञप्ति जारी गर्दै जातीय भेदभावको आरोपमा थुनिएका व्यक्तिलाई बिनासर्त रिहा गर्न माग गरेका थिए ।

मृतकको अन्त्येष्टिपछि अन्तिम संस्कारका लागि सार्वजनिक ठाउँमा बनेको घर दलित समुदायका व्यक्तिलाई बस्न नदिने स्थानीय क्षेत्री समुदायको पक्षमा थापाले विज्ञप्ति जारी गरेका थिए ।
तत्कालीन नेकपा (माओवादी केन्द्र) प्रदेश कमिटी सदस्य तथा पार्टी कास्की जिल्ला अध्यक्ष थापाले विज्ञप्ति जारी गर्दै माओवादी केन्द्रका वडा सचिव रामबहादुर जिसी र जनक थापालाई बिनाशर्त रिहा गर्न माग गरेका थिए ।

यसैबीच एमालेले काठमाडौंको मेयरमा केशव स्थापितलाई उम्मेदवार बनाएको छ। स्थापितलाई कम्तीमा दुई महिलाले यौन हिंसा गरेको आरोप लगाएका छन्।स्थापितले सोमबार उम्मेदवारी दर्ता गराएका हुन्।