काठमाडौं महानगरको मेयरमा गठबन्धनबाट सिर्जना सिंहको नाम पक्कापक्की

काठमाडौं । आगामी स्थानीय तहको निर्वाचनमा काठमाडौं महानगरमा गठबन्धनबाट कांग्रेस नेतृ सिर्जना सिंह मेयरको उम्मेदवार बन्ने पक्कापक्की भएको छ ।

आज प्रधानमन्त्री निवास बालुवाटारमा बसेको कांग्रेस पदाधिकारी तथा पूर्व पदाधिकारीहरुको बैठकले सिंहलाई मेयरको उम्मेदवार बनाउने निर्णय गराउने निर्णय गरेको हो ।

यसअघि महानगर कमिटीले सिंहसहित ५ जनाको नाम सिफारिस गरेको थियो । आजको बैठकमा सिंहको नाममा सहमति गर्नका लागि सबै जनाको सहमति भएको बैठकमा उपस्थित एक पदाधिकारीले लोकपथलाई जानकारी दिए ।

नेतृ सिंह नेपाल महिलासंघ हुँदै नेपाल विद्यार्थी संघको राजनीति हुँदै पार्टी राजनीतिमा आएकी व्यक्ति हुन् । उनी कांग्रेस नेता प्रकाशमान सिंहको पत्नीसमेत हुन् ।

त्यस्तैगरी आजको बैठकमा सहमति भए पनि अन्तिम निर्णय भने भोलि बस्ने कांग्रेस कार्यसम्पादन समितिको बैठकले गर्नेछ ।