विजयको सुनिश्चिततातर्फ चिरञ्जिवी थापा

काठमाडौँ,२७ असोज।  गैरआवासीय नेपाली संघ (एनआरएनए)को उपाध्यक्षमा उमेद्वारी घोषणा गरेका चिरञ्जिवी थापादलाई अधिकांश देशका एनआरएनको साथ बढ्दै गएको छ । खाडी मुलुक, कोरिया, जापान, अमेरिका, युरेपियन मुलुकका एनआरएनमा उल्लेख्य प्रभाब भएको थापालाई बेलायत लगायत देशका एनआरएनको पनि उत्तिकै साथ बढ्दै गएको छ ।जापानमा रेष्टुरेन्ट, होटल, उर्जा, रेमिटयान्स, शिक्षा, वैंक लगायतको व्यवसायमा आवद्ध थापा २००५ देखि नै एनआरएनमा आवद्ध हुँदै आएका छन् । विदेशमा मात्र होइन नेपालमा पनि व्यवसायसँगै समाजसेवामा सक्रिय छन् । थापाले एक पटकको नेपाली सधै नेपाली, हाम्रो घर हाम्रै दायित्व, पुनर्निर्माण, सम्मानजनक वैदेशिक रोजगारीको समस्या, निराकरण र सृजना, भवन निर्माण, भिजन ट्वान्टी ट्वान्टी, एनआरएन विशेष सहयोग कोष लगायतका एजेण्डालाई अघि सारेका छन् । थापाले भूकम्प, नाकाबन्दी, बाढीपहिरोले मुलुक समस्याका परेका बेला समेत व्यक्तिगत सहयोग गरेका थिए। एनआरएनएको विश्व सम्मेलन असोज २८ अर्थात् १४ अक्टोबरमा काठमाडौंमा शुरु हुँदैछ । विश्वका ५७ वटा देशमा एनआरएनए गठन भइसकेको छ ।

यो खबर पढेर तपाईलाई कस्तो महसुस भयो ?