सूचना टाँसेर संसद बैठक स्थगित

काठमाडौं । प्रमुख प्रतिपक्षी दलहरुको अवरोधका कारण प्रतिनिधिसभा बैठक सूचना टाँसेर स्थगित भएको छ । 

बिहीबार १ बजेको लागि बोलाइएको बैठक सभामुख कृष्ण बहादुर महराले विशेष कारण देखाउदै सूचना टाँसेर साउन ११ गतेसम्मको लागि स्थगित भएको जनाएको हो । 

आज बसेको बैठकमा बीमा विधेयकलाई प्रस्तुत गर्न अनुमति माग्ने प्रस्ताव माथि सांसद प्रेम सुवालले प्रस्तुत गरेको विरोधको सूचनालाई निर्णयार्थ प्रस्तुत गर्ने र अर्थमन्त्री युवराज खतिवडाले बीमा विधेयक २०७५ प्रस्तुत गर्ने कार्यतालिका थियो । तर, प्रमुख प्रतिपक्षी दल नेपाली कांग्रेसले विहीबारको बैठक अवरोध गर्ने जनाएको थियो ।

सरकारले चिकित्सा शिक्षा विधेयक अगाडि बढाएपछि कांग्रेसले संसद अवरुद्ध पर्दै आएको छ ।