काठमाडौं । पूर्वप्रधानमन्त्री एवं जनता समाजवादी पार्टी (जसपा)का संघीय परिषद् अध्यक्ष डा. बाबुराम भट्टराईले चुनाव खर्च राज्यले बेहोर्ने प्रस्ताव अघि सारेका छन् ।
पैसा खर्च गरेर निर्वाचन जित्ने र त्यो खर्च उठाउनका लागि राज्यको दोहन गने प्रवृति बढेको भन्दै डा. भट्टराईले उक्त प्रस्ताव अघि सारेका हुन् ।
सामाजिक सञ्जाल ट्वीटरमा लेख्दै डा. भट्टराईले जनप्रतिनिधि तथा नेताहरुले गर्ने भ्रष्ट्राचारलाई रोक्नका लागि तीनै तहमा प्रत्यक्ष निर्वाचित कार्यकारी र पूर्ण समानुपातिक विधायिका बनाउनुपर्नेमा समेत जोड दिएका छन् ।
डा. भट्टराईले भनेका छन्, ‘चुनावी खर्चबारे पानीमाथि ओभानो कोही नबनौं । पैसा खर्चेर चुनाव जित्ने र त्यो खर्च असुल्न राज्यको दोहन गर्ने प्रवृत्ति नै देशमा भ्रष्टाचारको मुहान हो भन्ने कटुसत्य स्वीकारेर यसो गरौंः
१. तीनै तहमा प्रत्यक्ष निर्वाचित कार्यकारी र पूर्ण समानुपातिक विधायिका
२. चुनावी खर्च राज्यले बेहोर्ने !’
चुनावी खर्चबारे पानीमाथि ओभानो कोही नबनौं।पैसा खर्चेर चुनाव जित्ने र त्यो खर्च असुल्न राज्यको दोहन गर्ने प्रवृत्ति नै देशमा भ्रष्टाचारको मुहान हो भन्ने कटुसत्य स्वीकारेर यसो गरौंः१.तीनै तहमा प्रत्यक्ष निर्वाचित कार्यकारी र पूर्ण समानुपातिक विधायिका;२.चुनावी खर्च राज्यले वेहोर्ने!
— Baburam Bhattarai (@brb1954) April 14, 2022
यो खबर पढेर तपाईलाई कस्तो महसुस भयो ?
प्रतिक्रिया