स्याङ्जामा पुल भत्किँदा ८ जना घाइते, २ को अवस्था गम्भीर

पोखरा । स्याङ्जामा निर्माणाधीन पुल भत्किँदा आठ जना घाइते भएका छन् । दुई जनाको अवस्था गम्भीर छ ।

चापाकोट नगरपालिका-८ प्याक्लुङमा निर्माणाधीन पुलमा बिम हाल्ने क्रममा क्रेनबाट सामान झरेको र उक्त सामानसहित पुलको केही भाग झरेर कामदारलाई लागेको हो ।

स्याङ्जा प्रहरी प्रमुख एसपी राजीव बस्नेतका अनुसार घाइतेहरुको उपचार पाल्पामा भइरहेको छ । पाल्पाका मिसन अस्पताल र प्रभास अस्पतालमा उपचार भइरहेको उनले बताए ।