काठमाडौं । नव वर्ष २०७९ लाई लक्षित गर्दै एड्भेन्चर सेग्मेन्टमा चिरपरिचित ब्राण्ड मोटरहेडको नेपालको लागि आधिकारिक वितरक एसएलआर टेक्नो एण्ड ट्रेड प्रालिले ‘स्क्रयाच एण्ड क्याच द क्यास अफर सार्वजनिक गरेको छ ।
उक्त अफरअन्तर्गत मोटरहेडका बाइकहरु खरिद गर्ने सम्पूर्ण ग्राहकको लागि ७ हजार रुपैयाँदेखि १ लाख रुपैयाँसम्म स्क्र्र्याच गरी छुट पाउन सकिने व्यवस्था गरिएको कम्पनीले जनाएको छ । अफर अवधिभर बाइक खरिद गर्ने ग्राहकहरु मध्ये १ जना भाग्यशाली बिजेतालाई २ लाख ७ हजार ९ सय रुपैयाँ प्रदान गरिने कम्पनीको भनाइ रहेको छ ।
देशभर रहेका मोटरहेडका निजी तथा डिलर मातहतका शोरुमहरुमा यो अफर उपलब्ध रहनेछ । सिधै नगद छुटभन्दा यस प्रकारको स्क्र्याच अफरमा ग्राहकको छुटै उत्साह रहने यथार्थलाई मध्यनजर गर्दै यस्तो अफर ल्याइएको कम्पनीले जनाएको छ ।
मोटरहेडको हाल ७ वटा विभिन्न परिमार्जित मोडलहरु छन् । १७ वटा मुख्य सहरहरुमा सेल्स, सर्भिस, स्पेयरको सुविधासहित डिलर छ । साथै बिक्रीपछिको सेवालाई चुस्त दुरुस्त तुल्याउन कम्पनीले मुख्य मुख्य राजमार्गमा आधिकारिक मर्मत केन्द्रको पनि विस्तार गर्दै आएको छ ।
हाल मोटरहेडका बाइकहरु ३ लाख ५ हजार रुपैयाँदेखि अधिकतम ४ लाख ५५ हजार रुपैयाँसम्ममा उपलब्ध छन् । सबैको पहुचमा रहेको मोटरहेड बाइकको यहि मूल्य, कार्यक्षमता र आकर्षक डिजाइनकै कारण नेपालका विभिन्न क्षेत्रमा यो वाइक मन पराइएको कम्पनीले जनाएको छ ।
उक्त अफर चैत १५ गतेदेखि सुरुवात भइ २०७९ वैशाख ३१ गतेसम्म जारी रहनेछ ।
