काठमाडौं । त्रिकोणात्मक टी-ट्वान्टी अन्तर्राष्ट्रिय सिरिजअन्तर्गत तेस्रो खेलमा नेपालले पपुवा न्युगिनी (पीएनजी)लाई २ सय २ रनको लक्ष्य प्रस्तुत गरेको छ ।
त्रिवि क्रिकेट मैदानमा टस हारेर पहिले ब्याटिङ गरेको नेपालले २० ओभरमा ७ विकेट गुमाएर २ सय ३ रन बनायो ।
नेपालका लागि दिपेन्द्र सिंह ऐरीले ६६ रनको अर्धशतकीय इनिङ खेले ।
नेपाल आज पीएनजीलाई हराएर एक खेलअगावै फाइनल पुग्न चाहन्छ । सिरिजको पहिलो खेलमा नेपालले पीएनजीलाई १५ रनले हराएको थियो ।
यस्तै नेपालले दोस्रो खेलमा बुधबार मलेसियालाई ६ विकेटले हराएको थियो ।
नेपाल २ खेलमा लगातार जितसहित ४ अङ्क जोडेर अङ्क तालिकाको शीर्ष स्थानमा रहेको छ ।
पीएनजीले दुई खेलमा अंक जोड्न सकेको छैन । पीएनजी पुछारमा रहेको छ ।
मलेसिया २ खेलमा २ जित १ हारसँगै २ अङ्कका साथ तालिकाको दोस्रो स्थानमा रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया