१३ मङ्सिर २०७९, मंगलवार

स्वास्थ्य संस्थामा गर्भपतन सेवा निःशुल्क

२०७४,आश्विन,२७,शुक्रवार ०५:०६

0
Shares

नुवाकोट, २७ असोज ।जिल्ला स्वास्थ्य कार्यालय, नुवाकोटले गर्भपतन सेवा निःशुल्क बनाएको छ ।तेस्रो सुरक्षित गर्भपतन सेवा दिवसको अवसर बनाएर स्वास्थ्य कार्यालयमार्फत प्रवाह हुँदै आएको गर्भपतन सेवा बिहीबारदेखि निःशुल्क गरेको हो ।गर्भमा रहेको शिशुको लिंगको पहिचान नगरी गर्भवती महिलाले चाहेमा १२ सातासम्मको गर्भलाई सुरक्षित पतन गराउन सकिने सेवा वैधानिक प्रक्रियामा ल्याउन र सहज बनाउन निःशुल्क गरिएको स्वास्थ्य कार्यालय नुवाकोटका प्रमुख वसन्त अधिकारीले जानकारी दिए ।सरकारबाट स्वीकृत प्राप्त र तालीम प्राप्त दक्ष जनशक्तिमार्फत यस अघिदेखि सञ्चालनमा रहेका जिल्लाको २० वटा स्वास्थ्य संस्थामा गर्भपतन गराउँदा लिँदै आएको सेवा शुल्क निःशुल्क गरिएको प्रमुख स्वास्थ्य अधिकृत अधिकारीले बताए । गर्भपतन गराएबापत यसअघि रु ५०० देखि रु एक हजार आठसम्म शुल्क लिने गरिएको थियो ।सरकारी अनुमति प्राप्त र तालीम लिएका दक्ष जनशक्तिमार्फत सञ्चालनमा रहेका स्वास्थ्य संस्था राउतवेशी, समुन्द्रटार, खरानीटार, ककनी, भदु्रटार, चतुराले, नुवाकोट मण्डला, बागेश्वरी, बुङताङ, काउले, थप–मनकामना, रालुकादेवी, खङभज्ञ्याङ, सुनखानी, थानापती, नर्जामण्डप, कुमरी, साल्मे, फिकुर, दाङसिङ र लिखुको सल्लेमैदानबाट प्रवाह हुँदै आएको सेवा निःशुल्क गरिएको छ ।मातृ सुरक्षाका लागि प्रभावकारी माध्यम र प्रजननमा महिलाको अधिकार सुुरक्षित गर्न मौलिक हकको रुपमा रहेको गर्भपतन सेवा लिनेहरु वैधभन्दा पनि अवैध धेरै भएकाले महिलाको स्वास्थ्य जोखिममा पर्न नदिन सेवालाई निःशुल्क र प्रचारमा प्राथमिकता दिएको कार्यालयले जनाएको छ ।नुवाकोटमा जिल्ला अस्पताल त्रिशूलीले गर्भपतन सेवा यसअघि देखि नै निःशुल्क गर्दै आएको छ भने मेरी स्टोप्स सेन्टरले शुल्क लिएर सेवा दिँदै आएको छ ।नुवाकोटमा आर्थिक वर्ष ०७३/७४ मा ३१५ जनाले सुरक्षित गर्भपतन सेवा लिएका थिए भने आव ०७२/०७३ मा २५९ जनाले सेवा लिएको स्वास्थ्य कार्यालयले जनाएको छ । चालु आवमा करिब ५०० ले सेवा लिने अनुमान गरी आवश्यक औषधि र जनशक्तिको व्यवस्थापन गरेको स्वास्थ्य कार्यालयले जनाएको छ ।सरकारले गर्भपतन सेवालाई सबैको पहुँचमा पु¥याउन निःशुल्क र प्रचारप्रसारमा जोड दिँदै आइरहेको समयमा यसको दुरुपयोग समेत वृद्धि भएको भन्दै रोक्नतर्फ पनि ध्यान दिनुपर्ने सरोकारवालाले बताएका छन् ।

प्रकाशित मिति: २०७४,आश्विन,२७,शुक्रवार ०५:०६

प्रतिक्रिया दिनुहोस !
सम्बन्धित खबरहरु

गण्डकी । पर्यटकीय नगरी पोखराका प्राचीन संस्कृतिमध्येको एक हो यहाँको भैरव नृत्य । पछिल्लो समयमा प्रत्येक छ/छ वर्षमा गरिँदै आएको

धनुषा । पौराणिक प्रचलनअनुसार मधेस प्रदेशको राजधानी जनकपुरधाममा आज सीताराम विवाह महोत्सव मनाइँदै छ । जनकनन्दिनी सीताको विवाह भएको दिनको

काठमाडौं । प्रत्येक वर्ष मार्गशीर्ष शुक्ल पञ्चमीका दिन मनाइने विवाह पञ्चमी पर्व आज श्रीरामचन्द्र र सीताको पूजा आराधनासहित प्रतीकात्मक रुपमा

काठमाडाैँ । अमेरिकी फोटोग्राफर कितिया पावलोव्स्कीले नेपालको सगरमाथा क्षेत्रमा खिचेको भनिएको हिउँ चितुवाको तस्वीर नक्कली भएको दाबी गरिएको छ ।

ताजा समाचार

सुपार मादी हाइड्रोपावरको आइपीओ आउँदै
 २०७९,मङ्सिर,१३,मंगलवार १३:५८
तेस्रो पटक संसद प्रवेश गर्दै महासेठ
 २०७९,मङ्सिर,१३,मंगलवार १३:५४
सुदूरपश्चिममा डेंगु सङ्क्रमण घट्दो
 २०७९,मङ्सिर,१३,मंगलवार १३:२७