२ आश्विन २०७८, शनिवार

उम्मेदवार टुङ्गो लगाउँदै काँग्रेस, गगन थापाले चाहे क्षेत्र फेर्न !

२०७४,आश्विन,२७,शुक्रवार ०२:२४


काठमाडौँ, २७ असोज – प्रदेशसभा र प्रतिनिधिसभाको निर्वाचनका लागि पार्टीका तर्फबाट उम्मेदवारको अन्तिम नामावली टुङ्गो लगाउन काँग्रेस संसदीय समितिले गृहकार्य थालेको छ ।समानुपातिक उम्मेदवारीको तीन दिन अघिसम्म पनि पार्टीका जिल्ला निकायबाट अझै उम्मेदवारी सिफारिस आउने क्रम जारी नै रहेको छ । प्राप्त जानकारीअनुसार अझै चारवटा जिल्लाबाट सिफारिस आइपुगेको छैन, गोरखापत्रमा खबर छ ।७७ जिल्लामध्ये बिहीबारसम्ममा ७३ जिल्लाबाट उम्मेदवारको नाम सिफारिस भएर आए पनि धनुषा, सप्तरी, महोत्तरी र मुस्ताङबाट सिफारिस आउन बाँकी रहेको काँग्रेस केन्द्रीय कार्यालय सचिव प्रेम केसीले जानकारी दिए । पार्टीको हालै बसेको केन्द्रीय कार्य सम्पादन समितिको बैठकले शुक्रबारसम्म उम्मेदवारको नामावली टुङ्गो लगाउने निर्णय गरिसकेको छ ।निर्वाचनका लागि पार्टीका अधिकांश शीर्ष नेताको नाम सिफारिस भएर आएको छ । पार्टी सभापति शेरबहादुर देउवाको नाम डडेलधुरा १ बाट वरिष्ठ नेता रामचन्द्र पौडेलको नाम तनहुँ १ र २ बाट सिफारिस भएको छ । महामन्त्री डा शशाङ्क कोइराला नवलपरासी–१ बाट, कोषाध्यक्ष सीतादेवी यादव सिरहा–३ बाट सिफारिस हुनुभएको छ । पूर्वमहामन्त्री प्रकाशमान सिंह काठमाडौँ–१ बाट, अर्का नेता कृष्णप्रसाद सिटौलाको नाम झापा–३ बाट सिफारिस भएर आएको छ । गोपालमान श्रेष्ठ स्याङ्जा–२ बाट सिफारिस भएका छन् भनी धनुषाले उम्मेदवारको टुङ्गो लगाइनसकेकाले नेता विमलेन्द्र निधिको नाम आइसकेको छैन ।पाका नेता कुलबहादुर गुरुङको नाम इलामबाट समानुपातिकमा सिफारिस भएको छ । त्यस्तै खुमबहादुर खड्काको नाम दाङ–१ बाट सिफारिस भए पनि कानुनी रूपमा उहाँ उम्मेदवार बन्न सक्नुहुनेछैन । चित्रलेखा यादवको नाम सिराह–२ बाट, सुर्खेत–१ बाट पूर्णबहादुर खड्काको नाम सिफारिस भएर आएको छ ।नुवाकोटमा अर्जुननरसिंह केसी र डा. रामशरण महतको नाम सिफारिस भएको छ । मोरङको क्षेत्र नम्बर २ र ४ बाट डा. मीनेन्द्र रिजाल, मोरङ–६ बाट महेश आर्चायको नाम सिफारिस भएको छ । युवानेता गगन थापा काठमाडौँ–४ बाट निर्वाचन लड्ने बताइएको छ ।यद्यपि उनले आफूलाई काठमाडौँ–३ मा टिकट दिए पनि हुने जानकारी पार्टीलाई दिएका छन् ।

प्रकाशित मिति: २०७४,आश्विन,२७,शुक्रवार ०२:२४

प्रतिक्रिया दिनुहोस !
सम्बन्धित खबरहरु

मनाङ । गत जेठ अन्तिममा परेको अविरल वर्षाले जिल्लामा सरकारी, गैरसरकारी तथा व्यक्तिगत संरचनामा क्षति पुगेको छ । हालसालै पनि

काठमाडौं । नेपाली कांग्रेसका सांसद गगन थापाले पूर्वप्रधानमन्त्री एवम् एमाले वरिष्ठ नेता झलनाथ खनालको उपचारका लागि सरकारले दिन लागेको उपचार

काठमाडौं । जनता समाजवादी पार्टी (जसपा) का अध्यक्ष महन्थ ठाकुरले प्रधानमन्त्री शेरबहादुर देउवासँग भेटघाट गरेको छन् । अध्यक्ष ठाकुर मंगलवार

काठमाडौं । नेकपा एमालेका वरिष्ठ नेता माधव नेपाल पक्षका सांसदको बैठकमा पछिल्लो राजनीतिक घटनाक्रमबारे छलफल भएको छ । मंगलवार नयाँ

ताजा समाचार

अट्टाहस
 २०७८,आश्विन,२,शनिवार १५:२२
रुकुमपूर्वमा नयाँ ट्रयाक खोलियो
 २०७८,आश्विन,२,शनिवार १५:०४
अफगानिस्तानमा खुल्न थाले विद्यालय
 २०७८,आश्विन,२,शनिवार १४:४९
आँधीका कारण जापानका ४९ उडान रद्ध
 २०७८,आश्विन,२,शनिवार १४:४७
जनगणनाका लागि सुपरीवेक्षक गाउँ-गाउँमा
 २०७८,आश्विन,२,शनिवार १४:२७