धार्मिक ऐतिहासिक महत्व बोकेको तिर्थस्थल कैलाश मानसरोबर यात्रामा गएका झण्डै १६ सय जना भारतीय तीर्थयात्री अलपत्र परेका छन् ।
केहि दिनदेखि परिरहेको वर्षाका कारण सडक अवरुद्ध हुँदा १६ सय जना भारतीय तीर्थयात्री अलपत्र परेका हुन् ।
उनीहरुमध्ये करिव ५०० जना तिब्बती क्षेत्रमा र बाँकी सिमिकोट तथा हिल्सामा अलपत्र परेका छन् ।
काठमाडौंस्थित भारतीय दूतावासले विज्ञप्ती जारी गरी ५२५ तीर्थयात्री सिमिकोट र ५५० हिल्सामा रोकिएकाको भन्दै अलपत्र परेका तिर्थयात्रीका लागि खानेकुरा र अन्य बनदोबस्तीका सामाग्रीसहित आफ्ना प्रतिनिधिहरु त्यसतर्फ लागेको जनाएको छ ।
अलपत्र परेका उनीहरुलाई सुर्खेत, जुम्ला, मुगु हुँदै वा सेनाको हेलिकोप्टरबाट उद्दार गर्ने प्रयास भइरहेको छ ।
हिल्सामा रहेका तीर्थयात्रीहरुका लागि उपलब्ध भएसम्म खाना र आवासको व्यवस्था गर्न हिल्सा चेकपोष्टस्थित प्रहरीलाई आग्रह गरिएको दूतावासले जनाएको छ ।
उनीहरुलाई सकेसम्म तिब्बततर्फ नै सुरक्षित रुपमा लैजान टूर अपरेटरलाई आग्रह गरिएको छ ।
हिल्लामा बस्ने ठाउँ र अत्यावश्यक औषधि पनि पर्याप्त नभएको बताईएको छ ।
यो खबर पढेर तपाईलाई कस्तो महसुस भयो ?
प्रतिक्रिया