सत्तारुढ गठबन्धन बैठक : के-के भयो छलफल ?

काठमाडौं । प्रधानमन्त्रीको सरकारी निवास बालुवाटारमा बसेको सत्तारुढ गठबन्धनको बैठक सकिएको छ ।

प्रतिनिधिसभाबाट एमसीसी पारित भएपछिको यो गठबन्धनको पहिलो बैठक हो । आजको बैठकमा एमसीसीका विषयमा समीक्षा र स्थानीय तहको निर्वाचनसम्म गठबन्धनलाई निरन्तरता दिने वा नदिने भन्ने विषयमा छलफल भएको एक नेताले बताए ।

ती नेताका अनुसार आगामी निर्वाचनसम्म गठबन्धन रहने विषयमा छलफल भएको र निर्वाचनमा तालमेल गरेर जाने वा नजाने भन्ने विषयमा भने पुनः छलफल गरिनेछ ।

गठबन्धनमा आबद्ध सबै राजनीतिक दलले त्यसबारेमा छलफल गरेर अघि बढ्ने बारेमा छलफल भएको बताइएको छ ।