सन् २०११ मार्च ११,
जापान ।
९ रेक्टर स्केलको विनाशकारी भूकम्प र सुनामी ।
सो भूकम्पले जापानलाई ठूलो जनधनको क्षति पु¥यायो । भवन र सडकहरु तहसनहस भए ।
तर, भूकम्प गएको ६ दिनपछि ती सडक जस्ताको तस्तै भइसकेका थिए ।
भूकम्पका कारण इबाराकी भन्ने ठाउँको सडकमा १ सय ५० मिटरसम्मका चिरा र खाल्डाहरु परे । यसले सर्वसाधारणको आवतजावत र दैनिकीमा प्रभाव पारेपछि जापान सरकारले मात्र ६ दिनमा सडकको पुनर्निर्माण गरिसकेको थियो ।
वि.सं. २०७२ वैशाख १२,
नेपाल ।
७.८ रेक्टर स्केलको विनाशकारी भूकम्प ।
१७ औँ शताब्दीमा निर्माण गरिएको रानी पोखरी आफैमा एउटा इतिहास हो ।
तर आजसम्ममा भूकम्प गएको ११ सय ७९ दिन भइसक्दा पनि नेपालकै ऐतिहासिक रानी पोखरी पुर्ननिर्माण हुन सकेको छैन ।
राष्ट्रिय धरोहर मानिएको रानी पोखरीको संरचना ३ वर्षदेखि धूलो र झारले रुपहीन बनेको छ ।
त्यसको भग्नावशेषलाई हेर्दा आफ्नो इतिहास नै गर्लम्म ढलेजस्तो लाग्ने गरेको स्थानीय बताउँछन् ।
भूकम्पअघि वर्षमा एक दिन भाइ टीकामा मात्र खुल्ने रानी पोखरीे अहिले भने वरिपरिबाट पालले छोपेर राखिएको छ । पोखरीमा पानीको साटो ‘झार’ भेटिन्छ ।
२०७२ सालदेखि रानी पोखरीलाई तिहार लागेको छैन ।
यसको पुर्ननिर्माणका लागि करोडौं रुपैयाँ खर्च भइसकेको छ ।
तर ध्वस्त भइसकेको रानी पोखरीलाई कस्तो अवस्थामा निर्माण गर्ने भन्ने विवाद उत्पन्न भएपछि यसको निर्माण कार्य अझै अन्यौलमा छ ।
पुरातत्त्व विभाग र काठमाडौं महानगरपालिकाको विवादले झन् कमजोर बन्दै गएको रानीपोखरीका केही तस्वीर लोकपथकर्मी सरोज घिमिरेले क्यामरामा कैद गरेका छन्ः
यो खबर पढेर तपाईलाई कस्तो महसुस भयो ?
प्रतिक्रिया