परीक्षाफलमा देखिएको चरम लापरबाहिबारे छानबिन हुन्छ : परिक्षा नियन्त्रक

गत शनिबार एसईईको नतिजा प्रकाशन भयो ।

तोकिएको समयभन्दा झण्डै चार घण्टा ढिलो गरि ।

अघिल्लो हप्ता नै प्रकाशन गर्ने भनिएको नतिजा प्राविधिक तयारीको नाममा एक हप्ता सारिएको थियो ।

यद्यपी नतिजा प्रकाशन भएपछि देखिएको गम्भिर त्रुटिका कारण विद्यार्थी, अभिभावक र विद्यालयहरुले निकै तनाव खेप्नुपर्यो ।

त्यसैले एसईईको नतिजामा देखीएको प्राविधिक त्रुटिका विषयमा छानबिन गरिने भएको छ ।

सार्वजनिक भएको परीक्षाफलमा प्राविधिक गडबडी भएको र विद्यार्थी तथा विद्यालयले असन्तुष्टि जनाएपछि धेरै विद्यार्थीको नतिजामा आइतबार ग्रेड वृद्धि भएको थियो । 

नतिजा प्रकाशन गरेको भोलीपल्ट त्रुटि सुधार गरी विद्यार्थीलाई वास्तविक ग्रेडसिट उपलब्ध गराइएको र छानबिनका लागि शिक्षा, विज्ञान तथा प्रविधि मन्त्रालयमा पठाइएको परीक्षा नियन्त्रण कार्यालयका नियन्त्रक अम्बिकाप्रसाद रेग्मीले बताएका छन् ।