३१ श्रावण २०७९, मंगलवार

महिला गणितज्ञको सम्मेलन शुरु

२०७४,आश्विन,२६,बिहीवार ०९:३७

0
Shares

काठमाडौँ, २६ असोज ।एशियाली मुलुकका महिला गणितज्ञको सम्मेलन कीर्तिपुरस्थित केन्द्रीय गणित विभागमा आजदेखि शुरु भएको छ ।वुमन अफ नेपाल इन म्याथमेटिकल साइन्सले आयोजना गरेको यस सम्मेलनमा नेपाल, भारतलगायत विभिन्न १२ मुलुकका ६० जना सहभागीले ३९ वटा कार्यपत्र प्रस्तुत गर्नेछन् । सम्मेलन यही असोज २९ गतेसम्म चल्नेछ ।सम्मेलनको उद्घाटन गर्दै महिला, बालबालिका तथा समाज कल्याणमन्त्री आशा कोइरालाले राजनीति, न्याय सेवा र अर्थ क्षेत्रमा जस्तै विज्ञान तथा प्रविधिको क्षेत्रमा पनि महिलाको नेतृत्व विकास गर्न आवश्यक भएको बताइन ।त्रिभुवन विश्वविद्यालयका शिक्षाध्यक्ष सुधा त्रिपाठी, केन्द्रीय गणित विभागका प्रमुख डा केदारनाथ उप्रेती, पद्मकन्या क्याम्पसका प्रा धनकुमारी थापा, महेन्द्ररत्न क्याम्पसका अध्यापक तारा पौडेल, डा निलम सुवेदीलगायतले सम्मेलनबाट प्राप्त हुने सुझावलाई सरकारको नीति तथा योजना निर्माणमा उपयोग गर्नुपर्नेमा जोड दिए । प्रारम्भिक तहदेखि छोरीलाई गणित शिक्षामा प्रेरित गर्नुपर्ने उनीहरुको धारणा थियो ।कार्यक्रम आयोजक संस्थाका अध्यक्ष प्रा डा शान्ति बज्राचार्यले सहभागी राष्ट्रका महिलाको शिक्षामा पहुँच तथा गणित अध्ययनमा उनीहरुको अवस्थाकाबारे सम्मेलनमा अनुभव आदान–प्रदान गरिने जानकारी गराइन

प्रकाशित मिति: २०७४,आश्विन,२६,बिहीवार ०९:३७

प्रतिक्रिया दिनुहोस !
सम्बन्धित खबरहरु

काठमाडौं । बेलायतको औषधी नियामक निकायले कोरोना भाइरसविरुद्धको अद्यावधिक मोडेर्ना खोपलाई अतिरिक्त मात्रा प्रयोगका लागि स्वीकृति प्रदान गरेको छ ।

बुटवल । पत्रकार वसन्त पोखरेलको निधन भएको छ । लुम्बिनी प्रदेशलाई केन्द्रमा राखेर बुटवलबाट पत्रकारिता गर्दै आएका पोखरेलको आज बिहान

धनगढी । असार ४ गते धनगढी पुगेका प्रधानमन्त्री शेरबहादुर देउवाले प्रस्तावित गेटा मेडिकल कलेजलाई स्वास्थ्य बिज्ञान प्रतिष्ठान बनाउने घोषणा गरे ।

मुगु । मुगुमा पाँच वर्षपछि फरार अधियुक्त पक्राउ परेका छन् । बहुविवाह मुद्दामा ११ महिना १८ दिन र १० हजार

ताजा समाचार

२० वर्षमै आमा बनेकी मनीषा कोइराला !
 २०७९,श्रावण,३१,मंगलवार १२:०६
यस्तो छ आजको विदेशी मुद्राको विनिमयदर
 २०७९,श्रावण,३१,मंगलवार ११:५४