१. स्थानीय तहको निर्वाचनको मिति घोषणा गरिएकोविरुद्ध परेको रिटमा अन्तरिम आदेश दिन सर्वोच्चद्वारा अस्वीकार, स्थानीय तहको निर्वाचन रोक्न अन्तरिम आदेश दिन नपर्ने ठहर ।
२. प्रदेश १ को नामाकरण आउँदो आइतबार गर्ने तयारी, नामका विषयमा ठूला दलहरू आ–आफ्नै अडानमा ।
३. एमसीसीविरुद्धको रिट सर्वाेच्च अदालतद्वारा दर्ता गर्न अस्वीकार, एमसीसी संसदमा पेस भइसकेकाले अब सर्वोच्चको क्षेत्राधिकारभित्र नपर्ने जिकिर ।
४. राष्ट्रघाती र राष्ट्रवादीहरू सँगै कुम जोडेर उभिन नमिल्ने नेपाली कांग्रेसका महामन्त्री गगन थापाको भनाइ, एमसीसी संसद्मा टेबल भइसकेकोले विपक्षीमा मतदान गर्ने दलहरू सरकारमा बसिरहन नमिल्ने तर्क ।
५. बृषेशचन्द्र लाल समूह लोकतान्त्रिक समाजवादी पार्टीबाट अलग्गियो, तराई मधेस लोकतान्त्रिक पार्टीलाई ब्युँताउने उद्घोष ।
६. माओवादी केन्द्रका अध्यक्ष पुष्पकमल दाहाल ’प्रचण्ड’ र नेकपा (क्रान्तिकारी) माओवादीका महासचिव मोहन वैद्यबीच खुमलटारमा भेटवार्ता, एमसीसीको पक्षमा मतदान नगर्न प्रचण्डलाई वैद्यको आग्रह ।
७. पछिल्लो २४ घण्टामा गरिएको ९ हजार ४ सय २४ जनाको परीक्षणमा थप ४७६ जनामा कोरोना संक्रमण पुष्टि, ८ सय ३१ जना संक्रमणमुक्त, ३ जनाको मृत्यु ।
८. चालू आर्थिक वर्षको ७ महिनामै मुलुकको व्यापार घाटा १० खर्ब नाघ्यो, १ खर्ब ३१ अर्बको वस्तु निर्यात गर्दा ११ खर्ब ४७ अर्बको वस्तु स्वदेश भित्रियो ।
९. नेपाली बजारमा सुनको मूल्य पछिल्लो १५ महिनायताकै उच्च, मंगलबार प्रतितोलामा ९७ हजार रुपैयाँमा कारोबार ।
१०. चालु आर्थिक वर्षको पहिलो ७ महिनामा २५ अर्ब २१ करोडको सुन नेपाल भित्रियो, युएई र टर्कीबाट ३६ सय ४३ केजी सुन भित्रिएको भन्सार विभागको तथ्यांक ।
११. साताको तेस्रो कारोबार दिन सेयर बजारमा दोहोरो अंकको वृद्धि, नेप्से परिसूचक १७ दशमलव ४२ अंकले बढ्दा ३ अर्ब २१ करोडको कारोबार ।
१२. युक्रेन र रुसबीच तनाव बढेपछि तेलको मूल्य बढ्यो, तेल बजारको अन्तर्राष्ट्रिय मानांक सात वर्ष यताकै उच्च ।
१३. पूर्वी युक्रेनमा रुसी सेना पठाउन पुटिनको आदेश, रुसले आफ्नो सार्वभौमसत्ता उल्लंघन गरेको युक्रेनी राष्ट्रपतिको आरोप ।
१४. ए डिभिजन लिग फुटबलमा नेपाल पुलिस क्लब र एपीएफ क्लबबीचको खेल १(१ गोलको बराबरीमै सकियो, बराबरीसँगै पुलिसले १२ अंक र एपीएफले १५ अंक जोडे ।
१५. र, च्याम्पियन्स लिगअन्तर्गतको फुटबल खेलमा आज युभेन्टस् र भिल्ला रियल भिड्दै पछिल्लो ४ हारको बदला तिर्ने दाउमा युभेन्टस् ।
यो खबर पढेर तपाईलाई कस्तो महसुस भयो ?
प्रतिक्रिया