कोशी ब्यारेजमा ट्रक खस्यो : दुईको मृत्यु, ६ घाइते

सुनसरी । कोशी ब्यारेजको १९–२० नम्बरको ढोका नजिक जेसिबी बोकेको ट्रक खस्दा दुईजनाको मृत्यु भएको छ । 

नम्बर खुल्न नसकेको ट्रक बढी लोड भएको कारण पुलबाट खसेको हो । 

प्रहरीले ट्रक खसेको स्थानबाट दुईवटा शव फेला परेको छ भने ६ जनाको उद्धार गरेको छ । 

घाइते ६ जनाको जिल्ला अस्पताल र विराटनगर उपचारको लागि लगिएको सुनसरी प्रहरीले जनाएको छ । 

प्रहरीले ब्यारेजको १९–२० नम्बरको ढोका नजिक ठूलो खाडलको भएको कारण ट्रक पल्टिएको  जनाएको छ । 

घाइते हुनेहरुमा ब्यारेज मर्मतको लागी खटिएका कर्मचारी समेत परेका छन् । 

घटना बारे थप विवरण आउन बाँकी रहेको प्रहरीले जनाएको छ ।