अर्घाखाँचीकी एक महिला दुधे बालक र श्रीमानलाई छाडेर नगद र गरगहना बोकि फरार भएकी छिन् । सितगंगा नगरपालिका वडा नं. ५ स्थायी घर भएका चन्द्रप्रकाश पौडेलकी श्रीमती पवित्रा पौडेल फरार भएकी हुन् । उनी गत असोज २१ गते बिदेशबाट पैसा आएको छ, निकालेर आउँछु भन्दै हिँडेको र अहिले सम्म सम्पर्कमा नआएको पौडेल परिवारले जानकारी दिएका छन् । फरार पवित्राको ३ वर्ष अगाडी सामाजिक परम्परा अनुसार बिवाह भएको थियो भने उनको कोखमा अहिले १४ महिनाको छोरा छ । श्रीमान् चन्द्रप्रकाश डेढ वर्ष अगाडि देखि बैदेशिक रोजगारीका लागि साउदी अरबमा छन् । श्रीमानले पठाएको करिब ५ लाख नगद र एक सेट गरगहना (२ ओटा औठी, कानका झुम्का र मंगलसुत्र) लिएर फरार भएको चन्द्रप्रकाशका दाजु ज्योति पौडेलले जानकारी दिए । त्यतिमात्र होइन पवित्राले गाउँकै रामप्रसाद पौडेलसँग ५ हजार, भोजराज पौडेलसँग ६ हजार र सूर्यमुखी सबल समूहबाट २५ हजार समेत लिएर गएको पौडेल परिवारले जनाएको छ । उनीहरुको खोजी गर्न साउदीमा रहेका श्रीमान चन्द्र प्रकाश पौडेलले आग्रह गरेका छन् ।
