काठमाडौं । राष्ट्रिय प्रजातन्त्र पार्टी (राप्रपा) का नेता कमल थापाले तीनै तहको निर्वाचन समयमा नै हुनुपर्नेमा जोड दिएका छन् ।
शुक्रबार ट्वीट गर्दै पूर्वउपप्रधानमन्त्री समेत रहेका नेता थापाले संविधानले तीन तहको निर्वाचित सरकारको व्यवस्था गरेको बताउँदै कुनै पनि तहमा प्रतिनिधिबिहीन बनाउन नहुने बताए । संविधानमा व्यवस्था भए अनुसार नै पदावधी समाप्त हुनु अगावै निर्वाचन हुनुपर्नेमा नेता थापाको जोड रहेको छ ।
‘संविधानमा तिनतहको सरकारको व्यवस्था छ।कुनैपनि तहको सरकार निर्वाचित प्रतिनिधिविहिन हुने परिकल्पना संविधानमा छैन।यहि मान्यता अनुसार पदावधि समाप्त हुनु अगावै नयाँ चुनाव गर्ने कानुन बनेको हो।’ नेता थापाले भने ।
गत २०७४ सालमा सम्पन्न स्थानीय तहको निर्वाचन पुनः आगामी वैशाखमा सम्पन्न हुनुपर्ने संवैधानिक व्यवस्था रहेको छ । तर पछिल्लो समय आगामी वैशाखमा निर्वाचन गर्ने भन्ने विषयमा दलहरुबीच एकमत हुन सकेको छैन ।
नेता थापाले कुनै पनि बहाना खोजेर वा संविधानमा छिद्र खोजेर चुनाव टार्न नहुनेमा जोड दिए ।
‘कुनैपनि बहानामा वा संविधानमा छिद्र खोजेर चुनाव टार्नु संविधान विपरित प्रतिगामी कार्य हुनेछ ।’ उनले भनेका छन् ।
संविधानमा तिनतहको सरकारको व्यवस्था छ।कुनैपनि तहको सरकार निर्वाचित प्रतिनिधिविहिन हुने परिकल्पना संविधानमा छैन।यहि मान्यता अनुसार पदावधि समाप्त हुनु अगावै नयाँ चुनाव गर्ने कानुन बनेको हो।कुनैपनि वहानामा वा संविधानमा छिद्र खोजेर चुनाव टार्नु संविधान विपरित प्रतिगामी कार्य हुनेछ
— Kamal Thapa (@KTnepal) January 28, 2022
यो खबर पढेर तपाईलाई कस्तो महसुस भयो ?
प्रतिक्रिया