नेकपा माओवादी केन्द्रका नेता वर्षमान पुनले आफूलाई उपचारका लागि चीन लगेकोपछि मात्रै थाहा भएको बताएका छन् । गम्भीर अवस्थामा उनी चीन पुगेका थिए ।
‘असोजको दोस्रो हप्तातिर मेरो स्वास्थ्यमा बंशाणुगत जन्डिससम्बन्धी पुरानै समस्या आएपछि बैंकक गएको थिएँ । सामान्य जस्तो लागेको थियो तर समस्या जटिल हुँदै गयो । करिब दुई महिना बैंकक बस्दा खासै प्रगति भएन’, चीनमा उपचार गराएर स्वदेश फर्किएपछि सोमबार विमानस्थलमा प्रतिक्रिया दिँदै उनले भने, ‘त्यसपछि पार्टी अध्यक्ष, पार्टीले उपचारका लागि त्यहाँबाट चीन लैजाने निर्णय गर्नुभएछ । त्यतिखेर मलाई धेरै कुराहरु जानकारी हुने अवस्था पनि थिएन । एक हप्ता उपचार भएपछि बल्ल म चीनमा रहेछु भनेर थाहा पाउने अवस्था भयो । त्यति धेरै स्वास्थ्यमा गम्भीर अवस्था थियो ।’
संयोगमा अहिले स्वास्थ्यमा सुधार भएर नेपाल फर्किएको उनले बताए । उनले यो बीचमा आफूले पार्टीको महत्वपूर्ण कार्यक्रम आठौं राष्ट्रिय महाधिवेशन छुटाउनु पर्दा दुःख लागेको पनि पुनले बताए ।
यो खबर पढेर तपाईलाई कस्तो महसुस भयो ?
प्रतिक्रिया