काठमाडौं । धनियाँ प्रायः नेपाली भान्सामा प्रयोग गरिन्छ। धनियाँको स्वाद र सुगन्ध धेरै तरिकामा प्रयोग गरिन्छ।
यदि तपाईँ धनियाँको पातको चटनी बनाउन चाहनुहुन्छ भने वा कुनै तरकारीमा धनियाँको स्वाद चाहनुहुन्छ भने धनियाँकाे पातले गार्निस गर्नुहोस्।
धनियाँलाई तरकारी मसलाको रूपमा पनि प्रयोग गरिन्छ। धनियाँ स्वाद र सुगन्धका साथै औषधीय गुणले भरिपूर्ण हुन्छ ।
यसको सेवनले धेरै रोगबाट बच्न सकिन्छ । स्वस्थ रहन दैनिक हरियो धनियाँ वा धनियाँको दानाको सेवन गर्नु लाभदायक हुन्छ । थाइराइड र तौल घटाउनेजस्ता समस्यामा धनियाँले औषधिको रूपमा काम गर्छ ।
धनियाँ उपभोग गर्ने उत्तम तरिका भनेको हरेक बिहान खालीपेटमा धनियाँको पानी पिउनु हो। आउनुहोस् जानौं खालीपेट धनियाँ पानी पिउनुका फाइदाहरू र यसको सेवन गर्ने सही तरिका के हो ?
पाचनमा सुधार गर्छ :
धनियाँको पानीले पाचनसम्बन्धी समस्याहरू हटाउन काम गर्छ। दैनिक धनियाँ पानीको सेवनले शरीरको पाचन शक्तिलाई नियन्त्रित गर्छ, जसले गर्दा पेटमा एसिडिटीको मात्रा बढ्नबाट रोक्छ । पेट दुख्ने, जलन, ग्याँसजस्ता समस्याबाट छुटकारा मिल्छ ।
तौल घटाउन :
तौल घटाउन चाहनुहुन्छ भने खानामा धनियाँको पानी समावेश गर्नुहोस् । धनियाँको पानीमा चयापचय प्रक्रियालाई गति दिने तत्वहरू हुन्छन्। जसका कारण शरीरमा जम्मा भएको बोसो कम हुन थाल्छ र तौल द्रुत गतिमा घट्न थाल्छ ।
थाइराइडको समस्यामा फाइदाजनक :
थाइराइडका बिरामीले पनि हरेक बिहान खाली पेटमा धनियाको पानी पिउनुपर्छ । थाइरोइडको कमी वा बढी भएमा यो फाइदाजनक हुन्छ । धनियाँमा पाइने मिनरल्स र भिटामिनले थाइराइड हर्मोनलाई नियन्त्रण गर्न मदत गर्छ।
रोग प्रतिरोधात्मक क्षमता बढाउँछ :
धनियाँ पानीको सेवनले रोग प्रतिरोधी क्षमता बढाउँछ । यसमा पाइने एन्टिअक्सिडेन्टले शरीरमा फ्री रेडिकल कम गर्छ, जसले धेरै रोगसँग लड्न मदत गर्छ।
कपाल बलियो बनाउने :
धनियाँ भिटामिन के, सी र ए प्रचुर मात्रामा पाइन्छ। धनियाँपानीको सेवनले कपाल बलियो र छिटो बढ्न मदत गर्छ। धनियाँको पानी दैनिक सेवन गर्नाले कपाल झर्ने र फुट्ने समस्या कम हुन्छ । यसबाहेक, तपाईँ धनियाँको तेल र हेयर मास्क प्रयोग गर्न सक्नुहुन्छ।
यो खबर पढेर तपाईलाई कस्तो महसुस भयो ?
प्रतिक्रिया