१३ जेष्ठ २०७९, शुक्रवार

विपद्‍बाट जोगाउने टिम तयार बनाउँदै तिला गाउँपालिका

२०७८,माघ,८,शनिवार १८:०६

90
Shares

दिलमाया शाही / जुम्ला । पछिल्लो समयमा विपद्‍बाट जोगिनको लागि तिला गाउँपालिकाले समुदाय स्तरमै विपद् प्रतिकार्य सम्बन्धी टिम तयार गर्न थालेको छ । युएस आईडीको आर्थिक सहयोग, मोर्सिकोर नेपालको समन्वय तथा किर्डाक नेपालको साझेदारीमा विपद् प्रतिकार्यका लागि सामुदायिक पहल सम्बन्धी चार दिने तालिममार्फत वडा र पालिका स्तरमा विपद्को सामना गर्न टिम तयारी पार्न थालिएको हो ।

समुदायका व्यक्तिलाई विपद् प्रतिकार्य गर्न समक्ष बनाउने हेतुले यो तालिम सञ्चालन गरिएको ९मोर्सिकोर, नेपाल० भकारी परियोजना तथा विपद् व्यवस्थापनका सल्लाकार टिकाराम खड्काले बताए । उनले भने, ‘विपद्‍मा पहिलो जिम्मेवार समुदाय नै हुने भएकाले तिलागाउ पालिका स्तरीय यस्तो तालिम सञ्चालन गरिएको हो ।ु

समुदायले खबर गरेपछि मात्र सुरक्षाकर्मी परिचालन हुने उनले बताए । त्यसैले समुदाय स्तरमा हुन सक्ने विपद्‍बाट जोगिनको लागि समुदाय नै सक्षम हुनुपर्छ भन्ने हेतुले व्यवहारिक रूपमा तालिम दिइन थालिएको हो ।

त्यस्तै तिला गाउँपालिकाका उपाध्यक्ष विष्णु बुढाले तिलामा पछिल्लो समय विपद्का घटना बढिरहेको बताएका छन् । विपद्का घटना एक्कासि आउनले भएकाले सामना गर्न चुनौती रहेको उनले बताइन् ।

चुनौतीसँग लड्नका लागि तिलाका वडा अध्यक्ष, गाउँपालिकाका कर्मचारी, रेडक्रमका प्रतिनिधि, महिला युवालगायतको सहभागितामा तालिम दिइएको बताइन् ।

तालिममा कोरोनाबाट मृत्यु भएका तथा विपद्‍बाट मृत्यु भएकाको शव व्यवस्थापन, घाइतेको उद्धारका लागि प्रयोगात्मक अभ्याससमेत गराइने छ ।

विपद्‍बाट प्रभावित स्थानमा परिवार तथा बालबालिकाको जीवनरक्षाका लागि यो तालिम महत्त्वपूर्ण हुने अपेक्षा गाउँपालिकाको रहेको छ । बाढी, पहिरो तथा भूकम्प, आगलागी जस्ता प्राकृतिक प्रकोपबाट जुम्ला उच्च जोखिममा छ ।

जलवायु परिवर्तनका कारण खडेरी, बाढी तथा प्रतिकुल मौसम आइपर्नु जस्ता प्राकृतिक प्रकोपको सम्भावना बढ्दै गएको छ । यसको फलस्वरुप महामारी र सुख्खापन फैलिनुका साथै समुदायको जनजीवन र कृषि उत्पादनमा प्रतिकुल असर पर्दै आएको पाइन्छ ।

कोरोना महामारीका कारण सरकारले २५ जनाभन्दा बढी भेला नहुने आचारसंहिता बनाएको छ । जस कारण यो तालिममा २४ जनाको सहभागी रहने मोर्सिकोर नेपालले बताएको छ ।

प्रकाशित मिति: २०७८,माघ,८,शनिवार १८:०६

प्रतिक्रिया दिनुहोस !
सम्बन्धित खबरहरु

काठमाडौं महानगरपालिकाको मेयरमा बालेन्द्र साह विजयी भएका छन् । काडमाडौंका मुख्य निर्वाचन अधिकृत राजुकुमार खतिवडाले बिहीबार राति आयोजित प्रेस ब्रिफिङमा

बारा । जीतपुरसिमरा उपमहानगरपालिकाका नवनिर्वाचित मेयर राजन पौडेलले कार्यभार सम्हालेको भोलिपल्टै कार्यालयका प्रमुख प्रशासकीय अधिकृत चेत कुमार पोखरेलसहित कर्मचारीहरुलाई लिएर

काठमाडौं । २०७४ को स्थानीय तह निर्वाचनमा मधेश प्रदेशबाहेक सबै प्रदेशमा पहिलो बनेको एमाले यसपटक भने सबै प्रदेशमा दोस्रो स्थानमा

काठमाडौं । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले पार्टीको केन्द्रीय प्रचार विभागमा चार जना सदस्य नियुक्त गरेका छन् । साथै

ताजा समाचार

चार दिनपछि आफन्तले बुझे शव
 २०७९,जेष्ठ,१२,बिहीवार २१:०२