काठमाडौं । नेपाली कांग्रेसका महामन्त्री गगनकुमार थापाले संविधानअनुसार स्थानीय तहको जनप्रतिनिधिको रिक्तताको कल्पाना गर्न नसकिने बताएका छन् ।
सामाजिक सञ्जाल ट्वीटरमा लेख्दै नेता थापाले निर्वाचनबारे निर्णय गर्दा स्थानीय तह जनप्रतिनिधिविहिन बनेको उक्त कार्य असंवैधानिक हुने बताए ।
‘हामीले बनाएको संविधानले स्थानीय तहमा जनप्रतिनिधिको रिक्तताको कल्पनानै गरेको छैन।अतः निर्वाचनबारे कुनै पनि निर्णय गर्दा स्थानीय तह रिक्त हुनपुग्छ भने त्यो असंवैधानिक नै हुन्छ’, उनले भनेका छन् ।
कानुनतः स्थानीय तहको निर्वाचन हरेक ४/४ वर्षमा हुनुपर्ने कानुनी प्रावधान रहेको छ ।
यसअघि २०७४ मा स्थानीय तहको निर्वाचन सम्पन्न भएको थियो । कानुनी प्रावधानअनुसार आगामी वैशाखसम्म निर्वाचन हुनुपर्नेछ ।
यद्यपि स्थानीय तह जनप्रतिनिधिविहिन बन्ने अवस्था आउनेछ । सोही प्रशंगमा महामन्त्री थापाले सो कुरा स्पष्ट पारेका हुन् ।
सोही क्रममा नेता थापाले यसअघिको असंवैधानिक कदमविरुद्धको संघर्षबाट बनेको वर्तमान सरकारले हरेक निर्णय गर्दा संविधानको कसिमा रहेर सही निर्णय गर्नुपर्नेमा जोड दिएका छन् ।
‘कांग्रेस प्रष्ट छ-असंवैधानिक कदमविरुद्धको संघर्षबाट बनेको यो सरकारका हरेक निर्णय संविधानको कसिमा सही हुनैपर्छ’, उनले भने ।
हामीले बनाएको संविधानले स्थानीय तहमा जनप्रतिनिधिको रिक्तताको कल्पनानै गरेको छैन।अत:निर्वाचनबारे कुनैपनि निर्णयगर्दा स्थानीय तह रिक्त हुनपुग्छ भने त्यो असंवैधानिक नै हुन्छ।कांग्रेस प्रष्ट छ-असंवैधानिक कदमविरुद्धको संघर्षबाट बनेको यो सरकारका हरेक निर्णय संविधानको कसिमा सही हुनैपर्छ
— Gagan Thapa (@thapagk) January 20, 2022
यो खबर पढेर तपाईलाई कस्तो महसुस भयो ?
प्रतिक्रिया