सप्तरी । सप्तरीमा स्रोत नखुलेको नगदसहित दुई जना पक्राउ परेका छन् । राजबिराज नगरपालिका-५ स्थित सडकबाट स्रोत नखुलेको नगद ९ लाख ९० हजार रुपैयाँ सहित २ जनालाई मंगलबार दिउँसो प्रहरीले पक्राउ गरेको हो ।
पक्राउ पर्नेहरुमा डाक्नेश्वरी नगरपालिका-५ बस्ने ३० वर्षीय राजेश चौधरी र शम्भुनाथ नगरपालिका-१२ बस्ने २४ वर्षीय दिलिप मण्डल रहेका छन् ।
भारतबाट नेपालतर्फ आउँदै गरेको प्रदेश २-०१-००३ प ३४७८ नम्बरको मोटरसाइकललाई जिल्ला प्रहरी कार्यालय सप्तरीबाट खटिएको प्रहरीले जाँच गर्ने क्रममा उक्त नगद सहित फेला पारी मोटरसाइकल चालक राजेश र मोटरसाइकलमा सवार दिलिपलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको बताएको छ ।
यो खबर पढेर तपाईलाई कस्तो महसुस भयो ?
प्रतिक्रिया