१२ माघ २०७८, बुधबार

सीमानाबाटै फरार हुन्छन् भारतबाट आएका कोरोना संक्रमित, हिजो र आज मात्रै ६१ जना फरार

२०७८,माघ,१,शनिवार १९:५३

126
Shares

भारतबाट नेपाल आउने क्रममा स्वास्थ्य परीक्षण गर्दा कोरोना पोजेटिभ भएका व्यक्ति सीमाबाटै फरार हुन थालेका छन् । सीमा नाकामा गरिने एन्टिजेन परीक्षणमा कोरोना पोजेटिभ रिपोर्ट आएपछि होल्डिङ सेन्टरमा राखिने व्यक्तिहरू विभिन्न तरिका अपनाएर भाग्ने गरेको त्रिनगर स्वास्थ्य परीक्षण केन्द्र गौरिफन्टाले जनाएको छ ।

‘धेरै कोरोना संक्रमित मोहना नदी तरेर नेपाल भाग्ने गरेका छन्,’ त्रिनगर स्वास्थ्य केन्द्रका संयोजक गणेश साउँदले भने, ‘केही व्यक्ति नेगेटिभ रिपोर्ट भएका व्यक्तिसँग रिपोर्ट साटेर पनि उम्कने गरेका पाइन्छन् ।’ भाग्दै गरेका धेरैलाई समात्ने पनि गरिएको उनले बताए । धरै मानिस एकै पटक आउँदा अप्ठ्यारो हुने गरेको उनी बताउँछन् ।

कोरोना पोजेटिभ व्यक्ति भाग्न नपाउन भनेर स्वास्थ्य परीक्षण केन्द्रको पछाडि (पूर्व)पट्टी तार जाली लगाइएकोमा सो तारजाली काटेर धेरै जना मोहना हुँदै भाग्ने गरेको उनले बताए । त्यसै गरी केही व्यक्तिले कोरोनाको नेगेटिभ रिपोर्ट आएका अर्का व्यक्तिको रिपोर्ट देखाउँदै प्रहरीको आँखा छल्ने गरेको उनी बताउँछन् ।

‘मोहना नदी तर्फ प्रहरी तैनाथ हुँदैन,’ उनले भने, ‘जसका कारण धेरै कोरोना संक्रमित तार जालीबाट छिरेर मोहना नदी हुँदै नेपाल छिर्नेगरेका छन् । केहीले भने रिपोर्ट साट्दै प्रहरीको आँखा छलेर भाग्ने गरेका छन् ।’

उनका अनुसार पुस २९ गते ४० जना, पुस ३० गते ३० जना र आज माघ १ गते ३१ जना कोरोना संक्रमण पोजेटिभ भएका व्यक्ति सीमानाबाट भागेर नेपाल आएका छन् । ‘सीमामा गरिने एन्टिजेन परीक्षणमा कोरोना पोजेटिभ देखिए आइसोलेसन सेन्टरमा लैजाने व्यवस्था नभएसम्म हामीले उनीहरूलाई नाकामै रहेको होल्डिङ सेन्टरमा रोकेर राख्ने गरेका छौं,’ संयोजक साउँदले भने, ‘उनीहरू होल्डिङ सेन्टरबाटै भाग्ने गरेका छन् । भाग्ने तरिका फरक,फरक रहेका देखिन्छन् ।’

यसबारेमा धनगढी उपमहानगरपालिका र पुनर्वास नगरपालिकालाई समेत जानकारी गराइ सकेको उनले बताए । ‘यो समस्याका बारेमा सीमासँग जोडिएका दुई वटै स्थानीय निकामा जानकारी गराइसकेका छौं,’ उनले भने, ‘तर कसैले पनि चासो देखाएका छैनन् ।’

प्रकाशित मिति: २०७८,माघ,१,शनिवार १९:५३

प्रतिक्रिया दिनुहोस !
सम्बन्धित खबरहरु

बुधबार सम्पन्न राष्ट्रियसभा निर्वाचनमा पार्टीले पाएको मतबाट एमाले उत्साहित देखिएको छ । एमाले महासचिव शंकर पोखरेलले नतिजाले एमाले आगामी दिनमा

राष्ट्रियसभा सदस्य १९ रिक्त पदका लागि आज भएको निर्वाचनमा पाँच दलीय गठबन्धनका उम्मेदवार १८ पदमा विजयी हुनुभएको छ । प्रमुख

जिल्ला अदालत काठमाडौँले गोंगबुस्थित नयाँ बसपार्कको एक होटलमा भएको सामूहिक बलात्कारका आरोपित नौ जना आरोपीलाई पुर्पक्षका लागि थुनामा पठाउन आदेश

सर्वोच्च अदालतले नेपालको संविधान जारी भए पनि सरकारले गरेको कर्मचारी समायोजनलाई कानूनसम्मत भएको उल्लेख गर्दै समायोजन भएका कर्मचारीलाई पुनःसङ्घीय निजामती

ताजा समाचार

देवदहमा भेटिएका शवको अझै पहिचान भएन
 २०७८,माघ,१२,बुधबार २०:५९
‘भिजिट भिसा’ दिन मापदण्ड बनाइने
 २०७८,माघ,१२,बुधबार २०:५४