११ आश्विन २०७९, मंगलवार

वाग्मतीको शङ्खमूल क्षेत्रमा महिनौँदेखि थुप्रिएको फोहरको व्यवस्थापन

२०७८,माघ,१,शनिवार १६:१४

63
Shares

काठमाडौं । वाग्मती नदीको शङ्खमूल क्षेत्रमा महिनौँदेखि थुप्रिएको फोहरको व्यवस्थापन गरिएको छ । वाग्मती सफाइ महाअभियानको ४५३औँ हप्ताकोे सफाइका क्रममा आज शङखमूल पुलमुनि थुपारिएको फोहर उठाएर व्यवस्थापन गरिएको अभियानकर्मी किशोरसिंह शाहीले जानकारी दिए ।

सो अवसरमा अधिकार सम्पन्न वाग्मती सभ्यता एकीकृत विकास समितिले जेसिभी प्रयोग गरेर थुपारिएको फोहर उठाएको थियो । सफाइबाट तीन मेट्रिकटन फोहर व्यवस्थापन गरिएको छ । सफाइ २५-२५ जनाको समूह बनाएर भौतिक दुरी कायम गर्दै स्वास्थ्य सुरक्षाका मापदण्ड पालना गरेर गरिएको थियो । पछिल्लो समय नयाँ भेरियन्टसहितको कोरोना सङ्क्रमण तीव्र भएपछि सजगता अपनाएर सफाइ महाअभियानलाई निरन्तरता दिइएको महाअभियानले जनाएको छ ।

सफाइमा पूर्वमुख्यसचिव एवं प्रमुख अभियानकर्मी लीलामणि पौडेल, अधिकार सम्पन्न वाग्मती समितिका अध्यक्ष उद्धवप्रसाद तिमिल्सिना, काठमाडौं महानगरपालिका वडा नं ११ अध्यक्ष हीरालाल तण्डुकार, हनुमान मार्ग टोल सुधार समितिका अध्यक्ष दिव्यमणि ज्ञवाली, वानेश्वर महिला वातावरण सेवाका दुर्गा दुलाल, विभिन्न सङ्घसंस्था, अधिकार सम्पन्न वाग्मती समितिका कर्मचारी, काठमाडौं महानगरपालिका वातावरण विभाग टेकुका कर्मचारी एव वाग्मती सफाइ अभियानकर्मीको सक्रियता रहेको उनले सुनाए ।

विसं २०७० जेठ ५ गतेदेखि सुरु भएको सफाइ महाअभियान प्रत्येक हप्ताको अन्तिम दिन शनिबार बिहान दुई घण्टा निरन्तर जारी छ । चाडपर्व, चिसो, गर्मी, प्राकृतिक प्रकोप एवं कोरोना महामारीजस्ता प्रतिकूल अवस्थामा पनि सफाइ महाअभियान हुने गरेको छ । महाअभियानबाट प्रभावित भएर काठमाडौं उपत्यकामा यसका सहायक नदी सफाइ अभियान पनि सुरु भएको छ । हाल काठमाडौं उपत्यकामा २५ स्थानमा सफाइ भइरहेको जनाइएको छ ।

गुह्येश्वरी माथिको वाग्मती सफाइ आज पनि जम्बोडाँडा क्षेत्रको नदी किनारमा गरिएको छ । त्यस क्षेत्रलाई फोहरमुक्त गर्न गत हप्तादेखि नै सफाइ अभियानलाई त्यहाँ केन्द्रित गरिएको अभियानकर्मी ईश्वर पुडासैनीले जानकारी दिए । मनोहरा सरसफाइ तथा सम्पदा बचाउ नागरिक अभियानले मनोहरा नदी किनार क्षेत्रमा सफाइ गरेको छ ।

मनोहरा सफाइ अभियानको २५२औँ हप्तामा काठमाडौं महानगरपालिका वडा नं ३२ जडीबुटी नमूना बस्ती क्षेत्रमा सफाइ गरिएको छ । सफाइबाट एक गाडी फोहर व्यवस्थापन गरिएको मनोहरा सफाइ संयोजक चन्द्र दङ्गालले जानकारी दिए।

यसैगरी उपत्यकाका रुद्रमती, विष्णुमतीको तल्लो र माथिल्लो भाग, चक्रपथको उत्तरी र पश्चिमी भेग, ललितपुरको गोदावरी खोला, भक्तपुरको हनुमन्ते खोलालगायत स्थानमा पनि सफाइ गरिएको छ । महाअभियानबाट प्रभावित भएर काठमाडौँ उपत्यका बाहिरका मुख्य सहर, नदी र सांस्कृतिक सम्पदास्थल सफाइ भइरहेको छ । काठमाडौँ उपत्यका बाहिर १०९ स्थानमा सफाइ भइरहेको महाअभियानले जनाएको छ ।

प्रकाशित मिति: २०७८,माघ,१,शनिवार १६:१४

प्रतिक्रिया दिनुहोस !
सम्बन्धित खबरहरु

काठमाडौं । हिन्दु धर्मावलम्वीहरुको प्रमुख चाड दसैँमा विभिन्न शक्तिपीठहरुको धूमधामले पूजा गर्ने गरिन्छ । मनोच्छा पूरा हुने आस्थाका साथ दसैँ

काठमाडौं। बडादसैँको आज दोस्रो दिन मंगलवार ब्रह्मचारिणी देवीको आराधना गरेर मनाइन्छ । बह्म अर्थात् तपस्याको आचरण गर्ने भएकोले देवीलाई ब्रह्मचारिणी

सुर्खेत । भेरी नगरपालिका–३ नयाँ बस्तीमा दुई जना प्रहरी एका बिहानै घरमाको हुनुहुन्छ भन्दै स्थानीय गोविन्द डाँगीको घरमा पुग्दा सबै

काठमाडौं । रामेछापको खाँडादेवी गाउँपालिका–३ भिरपानीको सित्खामा रहेको माझी समुदायमा पितृ खुसी नभएको भन्दै आइतवार साँझ भेला भएका माझी समुदायले

ताजा समाचार

इतिहासकै उच्च अमेरिकी डलरको भाउ
 २०७९,आश्विन,११,मंगलवार १०:३३
यस्तो छ आजको फलफूल तथा तरकारीको मूल्य
 २०७९,आश्विन,११,मंगलवार १०:२५