२७ श्रावण २०७९, शुक्रवार

जब कानभित्र साङ्लो पसेको ३ दिनपछि थाहा भयो !

२०७८,पुष,३०,शुक्रवार १३:४७

0
Shares

काठमाडौं । एउटा अनौठो घटनामा न्युजिल्यान्डका एक व्यक्तिले आफ्नो कानभित्र साङ्लो पसेको तीन दिनपछि थाहा पाएका छन् । कानमा सलङसलङ गर्न थालेपछि जान विडिङले सुरुमा कानभित्र पानी पसेछ भन्ने अनुमान गरे ।

किनकि तीन दिनअघि उनी एउटा स्थानीय स्विमिङ पुलमा पौडी खेल्न गएका थिए । पौडी खेलेपछि त्यो रात कान हल्लाउँदै उनी निदाए । भोलिपल्ट उठ्दा उनको कान बुझिएर टम्म भयो र कानबाट अनौठो आवाज आउन थाल्यो ।

कानमा खुसल खुसल भइरहेपछि उनी चिकित्सकहाँ पुगे । चिकित्सकले लाइट बालेर उनको कान खोतल्न थाले । उनलाई एन्टिबायोटिक औषधि दिइयो । हेयर ड्रायरले दुखेको कानमाथिको भाग सुक्खा पार्न चिकित्सकले सुझाव दिए ।

औषधिले उनलाई केही भएन । उनले एउटा कान नै सुन्न छोडे र सुत्न पनि सकेनन् । उनलाई झन् गाह्रो भयो । त्यसपछि उनी नाक, कान र घाँटीसम्बन्धी विशेषज्ञकहाँ गए ।

चिकित्सकले उनको कानभित्र कीरा पसेको पत्ता लगाए । तत्कालै कैचीजस्तो एउटा उपकरणले उनको कानबाट कीरा निकाले । त्यो थियो साङ्लो ।

चिकित्सकका अनुसार सो साङ्लो अरु केही दिनसम्म झिक्न् नपाएको भए उनको कान बन्द हुन्थ्यो ।

केही महिनाअघि भारतमा एक व्यक्तिको नाकको प्वालबाट छिरेको साङ्लो दिमागमा पुगेपछि शल्यक्रिया गर्नुपरेको विवरण सार्वजनिक भएको थियो ।

प्रकाशित मिति: २०७८,पुष,३०,शुक्रवार १३:४७

प्रतिक्रिया दिनुहोस !
सम्बन्धित खबरहरु

१.  सत्तारुढ गठबन्धनको सीट बाँडफाँट कार्यदलको बैठक सकियो, अर्को बैठक साउन ३० गते बस्ने, बैठक सकारात्मक भएको सञ्चार तथा सूचना

एजेन्सी । कोरोना संक्रमण बढेपछि चीनका विभिन्न सहरमा लकडाउन घोषणा गरिएको छ । देशको पूर्वदेखि पश्चिमसम्मका विभिन्न भागमा प्रतिबन्ध र

काठमाडौं । भारतीय प्रधानमन्त्री नरेन्द्र मोदीले दिल्लीस्थित आफ्नै निवासमा रक्षा बन्धन मनाएका छन् । रक्षा बन्धनको अवसरमा मोदीले प्रधानमन्त्री कार्यालयमा

काठमाडौं । श्रीलंकाको राज्यसञ्चलित विद्युत निकायले कम खपत गर्ने उपभोक्ताका लागि २६४ प्रतिशतले विद्युत महशुल बढाउने भएको छ । जबकी

ताजा समाचार

महाकालीमा डुबेर दुई किशोरी बेपत्ता
 २०७९,श्रावण,२७,शुक्रवार २०:३९
बन्द प्रशिक्षणबाट बाहिरिए पन्ध्र खेलाडी
 २०७९,श्रावण,२७,शुक्रवार २०:०८