२३ माघ २०७९, सोमवार

कोरोनाको नयाँ भेरियन्टबाट जोगिने सरल उपायहरू

२०७८,पुष,२७,मंगलवार १३:२७

1.359k
Shares

अहिले विश्वमा कोरोना भाइरसको ओमिक्रोन भेरियन्टले संत्रास मच्चाइरहँदा नेपालमा पनि यो भाइरसको सङ्क्रमण देखिन थालेको छ ।

तर पछिल्लो केही दिनमा नेपालमा भएको सङ्क्रमणलाई हेर्ने हो भने डेल्टा भेरियन्ट वा ओमिक्रोन भेरियन्टको सङ्क्रमण बढ्दै गएको छ ।

छिमेकी राष्ट्र भारतमा ओमिक्रोनका सङ्क्रमितहरूको सङ्ख्यामा भइरहेको तीव्र वृद्धिले गर्दा नेपाल पनि कुनै पनि बेला यो सङ्क्रमण फैलने देखिन्छ ।

कोरोना भाइरस सङ्क्रमणको विगतलाई हेर्ने हो भने भारतमा सङ्क्रमितहरूको सङ्ख्यामा वृद्धि भएसँगै नेपालमा पनि त्यसका सङ्क्रमितहरूको सङ्ख्यामा वृद्धि हुने गरेको कारण यस पटक पनि यो घटना नदोहोरिएला भन्न सकिँदैन ।

कोरोना भाइरसको नयाँ भेरियन्टको सङ्क्रमण हुन नदिन भारतका आयुर्वेद अस्पताल र आयुर्वेद मन्त्रालयहरूले सुरक्षा र बच्ने उपायहरू बारे केही उपायहरू बताएका छन् । यो जानकारी कोरोनाको पछिल्लो भेरियन्टवाट बच्न सहयोग हुनेछ ।

कोभिड १९ को कुनै पनि सङ्क्रमणबाट बच्ने सबैभन्दा राम्रो उपाय भनेकै आफ्नो पुराना किसिमको आनीबानीमा परिवर्तन गर्नु नै हो । जसमा मास्कको उचित प्रयोग गर्ने, हातको नियमित सफाइ, शारीरिक र सामाजिक दूरीलाई कायम राख्ने नै हो ।

योबाहेक पछिल्लो पटक आएको कोभिड–१९ विरुद्धको खोपको दुई डोज लगाउने, स्वास्थ्य र आहार विहार राम्ररी गर्ने, शरीरमा रोग प्रतिरोधी क्षमता बढ्ने किसिमका खानपिन गर्ने र स्वास्थ्यका विभिन्न मापदण्डहरूलाई राम्ररी पालना गर्नु नै यो रोग लाग्न नदिने र लागेमा बच्ने उपाय मानिएको छ ।

यीबाहेक अरू पनि केही उपायहरू रहेका छन् ।

कोभिड सङ्क्रमणबाट बच्ने सजिलो उपाय

– एक दिनमा पटक–पटक गरेर न्यूनतम २ लिटर तातोपानी पिउने ।
– दैनिक न्यूनतम ३० मिनेट योगासन, प्राणायाम र मेडिटेसन गर्ने ।
– मसलाको रूपमा प्रयोग गरिने बेसार, जिरा र धनियाँलाई अनिवार्य रूपमा आफूले गर्ने दैनिक खानपानमा समावेश गर्ने ।
– खानपिनमा लसुनलाई अनिवार्य समावेश गरेर खाने ।

इम्युनिटी बढाउने आयुर्वेदिक उपायहरू

– बिहान १० ग्राम च्यावनप्राशको सेवन गर्ने । मधुमेहको समस्या भएका व्यक्तिले सुगर फ्री च्यावनप्राश पनि खान सकिन्छ ।
– तुलसी, दालचिनीबाट बनेको हर्बल चिया वा काँढा दैनिक रूपमा पिउने गर्नुपर्छ ।
– दालचिनी, मरीच, सुकाएको अदुवाको धुलो, दाख (किसमिस)को दैनिक रूपमा १–२ पटक सेवन गर्ने ।
– सख्खर र कागतीको रस तताएर सेवन गर्ने ।

सरल आयुर्वेदिक तरिका

– तिल वा नरिवलको तेल वा शुद्ध गाईको घिउलाई हल्का मनतातो बनाएर बिहान र बेलुका नाकको प्वालमा हाल्ने ।
– एक चम्चा तिल वा नरिवलको तेललाई मुख भित्र हालेर केही बेर राख्ने र दुई–तीन मिनेट मुखभित्र हल्लाएर फ्याँक्ने । यसरी फ्याकेपछि मन तातो पानीले कुल्ला गर्ने । आयल पुलिङ थेरापी भनिने यो क्रिया दैनिक बिहान र बेलुका गर्नुपर्छ ।
– राति सुत्नुभन्दा अगाडि एक गिलास दूधमा आधा चम्चा बेसारको धुलो मिसाएर पिउने गर्नुपर्छ ।

प्रकाशित मिति: २०७८,पुष,२७,मंगलवार १३:२७

प्रतिक्रिया दिनुहोस !
सम्बन्धित खबरहरु

काठमाडौं । नेपाल र नेपाली डायस्पोरामा मानसिक स्वास्थ्यको समस्या विकराल बन्दै गएको भन्दै स्वास्थ्य विज्ञहरुले चिन्ता व्यक्त गरेका छन् ।

पछिल्लो समय नेपालसहित विश्वाभर नै बाँझोपन अर्थात् निःसन्तानको समस्या बढ्दो छ । पुरुषमा यौन इच्छाको कमी, यौनशक्तिको कमी, वीर्य स्खलन

नर्भिक इन्टरनेशनल हस्पिटलको निःशुल्क ओपिडी अभियान अर्न्तगत यो शनिवार (पुस ३० गते) पहिलोपटक कलेजो सम्बन्धी समस्या भएकाहरुले निःशुल्क परामर्श सेवा

एम.भी. दुगड ग्रुप अध्यक्ष मोतीलाल दुगडको ७६ औं जन्म उत्सवको अवसरमा दुगड ग्रुपको हाइड्रोपावर तथा प्रशारण लाईन सञ्चालित रामेछाप तथा

ताजा समाचार

विदेशी मुद्राको सञ्चिती बढ्यो
 २०७९,माघ,२३,सोमवार १७:२८