१० जेष्ठ २०७९, मंगलवार

छिट्टै प्रदेश सरकारले पूर्णता पाउँछ : मुख्यमन्त्री शाही

२०७८,पुष,२५,आईतवार १९:५०

72
Shares

सल्यान । कर्णाली प्रदेशका मुख्यमन्त्री जीवनबहादुर शाहीले प्रदेश सरकारले छिट्टै पूर्णता पाउने बताएका छन् । सत्ता साझेदारी दलका जिल्लादेखि केन्द्रसम्मका अधिवेशनका कारण सरकार विस्तारमा केही ढिलाइ भए पनि अब भने छिट्टै प्रदेश सरकार विस्तार गरिने उनले बताएका हुन् ।

नेपाल प्रेस युनियन सल्यानले आज सदरमुकाम खलङ्गामा आयोजना गरेको पत्रकार सम्मेलनमा मुख्यमन्त्री शाहीले मन्त्रिपरिषद् विस्तारमा ढिलाइ भए पनि सरकारका कामकारबाही नियमित चलिरहेको बताए ।

उनले सत्ता गठबन्धनबीच मन्त्रालयको भागबन्डाका कारण सरकार विस्तारमा ढिलाइ भएको भन्ने हल्ला गलत भएको भन्दै राजनीतिक दलहरूका चुनावी कार्यक्रमले नै ढिलाइ भएको उल्लेख गरे । ‘विविध कारणले मन्त्रिपरिषद् विस्तारमा ढिलाइ भएको हो, तर अब तत्कालै यसले पूर्णता पाउँछ, दलहरुले नाम टुङ्गो लगाएर पठाएपछि विस्तारमा कुनै समस्या हुँदैन,’ उनले भने, ‘मन्त्रिपरिषद्ले पूर्णता नपाउँदा पनि मन्त्रालयहरुको कामकारबाही रोकिएको छैन ।’

आफ्नो नेतृत्वको सरकार क्रम भङ्गको सरकार नभई गठबन्धनको सरकार भएकाले विगतका सरकारले गरेका राम्रा कामलाई निरन्तरता दिँदै अघि बढ्ने उनले बताए । ‘मुख्यमन्त्री भएपछि ठूलै काम गर्छु केही भन्दिन, यो सरकार गठबन्धनको सरकार हो, राम्रा कामलाई निरन्तरता दिन्छौँ, नराम्रा काम सच्याएर अघि बढ्छौँ,’ उनले भने । कर्णाली प्रदेश सरकारले जनताका दैनिक जनजीविकासँग सम्बन्धित कार्यलाई आफूले पहिलो प्राथमिकतामा राखेको उनको भनाइ छ ।

उनले कर्णाली प्रदेशलाई समृद्ध बनाउन छ ‘ब’ लागू गर्नुपर्ने बताए । कर्णाली प्रदेशले सुनको थालीमा भिख मागिरहेको बताउँदै उनले ६ ‘ब’ लाई कार्यान्वयनमा ल्याउन सकिए समृद्धि कर्णाली बन्न सक्ने दाबी गरे । ६ ‘ब’ अन्तर्गत बाटो, बिजुली, विचार (सूचना प्रविधि), वन, बजार र व्यवस्थापनमा ध्यान र जोड दिन सके प्रदेशलाई धनी र समुन्नत बनाउन सकिने उनको भनाइ छ ।

मुख्यमन्त्री शाहीले जनताले महसुस गर्ने गरी विकास निर्माणका कामहरु सञ्चालन गरिने बताए । लुम्बिनी प्रदेशलाई कर्णाली प्रदेशसँग जोड्ने राप्ती लोकमार्गको जीर्ण अवस्थाका बारेमा आफू जानकार रहेको भन्दै उनले यसको स्तरोन्नतिका लागि पहल गर्ने बताउनुभयो । यस्तै खलङ्गाबाट सुर्खेत जोड्ने कुपिण्डे बालुवासङ्ग्रही सडकलाई प्रदेश सरकारले प्राथमिकतामा राखेर काम गरिरहेको बताए ।

प्रकाशित मिति: २०७८,पुष,२५,आईतवार १९:५०

प्रतिक्रिया दिनुहोस !
सम्बन्धित खबरहरु

काठमाडौं । प्रधानमन्त्री शेरबहादुर देउवाको गृह जिल्ला डडेलधुरामा मेडिकल कलेज संचालन हुनु भएको छ । राष्ट्रपति विद्या भण्डारीले मंगलबार प्रस्तुत

काठमाडौं । यस पटकको स्थानीय तहको निर्वाचनमा धेरै उथलपुथल देखियो । कतै स्वतन्त्र उम्मेदवारको दबदबा देखियो भने कतै राजनीतिक दलमाथि

काठमाडौं । सरकारले हुम्ला जिल्लालाई राष्ट्रिय सडक सञ्जालमा जोड्ने घोषणा गरेको छ । सरकारले सार्वजनिक गरेको आगामी आर्थिक वर्ष २०७९/०८०

काठमाडौं । सरकारले हराएका पुरातात्विक सम्पदाहरु फिर्ता ल्याउनका लागि पहल गर्ने भएको छ । सरकारले सार्वजनिक गरेको आगामी आर्थिक वर्ष

ताजा समाचार

कीर्तिपुरमा १४ वर्षीया बालिका बलात्कृत
 २०७९,जेष्ठ,१०,मंगलवार १८:०१
सिद्धबाबा सुरुङमार्गको निर्माण गरिने
 २०७९,जेष्ठ,१०,मंगलवार १७:५१