४ माघ २०७८, मंगलवार

के कुरा गर्छन कान्छा किम ट्रम्पसँग ?

२०७५,जेष्ठ,२८,सोमवार ०१:३२

0
Shares

एजेन्सी : विश्वको राजनीतिमा युगान्तकारी परिवर्तन हुन सक्ने अपेक्षा गरिएको सिंगापुरमा आयोजित अमेरिका र उत्तर कोरियाका राष्ट्रप्रमुख बीच हुने शिखर वार्तामा उत्तर कोरियाली नेता किम जोंग उनले गर्ने एजेन्डाबारे उत्तर कोरियाले संकेत गरेको छ ।

मंगलबार अमेरिकी राष्ट्रपति डोनाल्ड ट्रम्पसँगको भेंटमा किमले शान्ति कायम गरिरहने एक स्थानीय संयन्त्रको विषयमा छलफल गर्ने भएको उत्तर कोरियाले जनाएको छ ।

यी दुई नेता आइतबार सिंगापुरमा हुने ऐतिहासिक शिखर वार्ताका लागि सेनटोसा पुगिसकेका छन् ।

किमले यो शिखर वार्तालाई सारा विश्वले नियालिरहेको टिप्पणी गरेका छन् भने ट्रम्पले यो भेंटबारे एक राम्रो अनुभव भइरहेको छ ।

उत्तर कोरियाको औपचारिक समाचार पत्रको सम्पादकीयमा अमेरिकासँगको सम्बन्ध सामान्य हुने संकेत गरिएको छ ।

अमेरिकाले उत्तर कोरियाबाट उसले आफ्नो परमाणु कार्यक्रमको त्याग गरोस चाहेको छ । तर यसको साटो अमेरिकासँग उत्तर कोरियाले के माग्ने अझ स्पस्ट भइसकेको छैन् ।

यी दुई नेता सिंगापुर नजिक रहेका दुई छुट्टा छुट्टा होटलमा बसिरहेका छन् । ती दुई होटल एक अर्कासँग निकट रहेका छन् । किम पाँच तारे सेन्ट रेगिस होटलमा बसिरहेका छन् भने ट्रम्प त्यहाँबाट करिब आधा माइलको दूरीमा रहेको साँग्रिला मा बसिरहेका छन् ।

उनीहरू मंगलबार बिहान नेपाली समय अनुसार पौने सात बजे भेट्ने कार्यक्रम रहेको छ ।

राष्ट्रपति ट्रम्प क्यानाडामा सम्पन्न जी ७को शिखर बैठकमा सहभागी भइ सेनाको विमानबाट सीधा सिंगापुर पुगेको थिए ।

ट्रम्पलाई सिंगापुरका विदेशमन्त्री विवियन बालकृष्णनले स्वागत गरेका थिए ।

किम चीनबाट एक विमान सापटी लिएर विदेशमन्त्री रि योंग हो, प्रतिरक्षा मन्त्री नो क्वांग चोल र बहिनी किम यो इंगसहितको टोली लिएर सिंगापुर पुगे ।

सिंगापुर पुगेपछि मर्सिडिज बेन्जमा बसेर किम अघि पछि गरी २० वाहनको लस्करबनाइ होटलसम्म पुगे ।

उनले सिंगापुरका प्रधानमन्त्री ली सेइन लुंगसँग भेटेर शिखर वार्ता सफल भए सिंगापुरले गरेको यो प्रयास इतिहासमा अंकित हुने विश्वास व्यक्त गरेका थिए ।
 

प्रकाशित मिति: २०७५,जेष्ठ,२८,सोमवार ०१:३२

प्रतिक्रिया दिनुहोस !
सम्बन्धित खबरहरु

काठमाडौं । कोभिड १९ बाट पार पाउन विश्वले संघर्ष गरिरहेका बेला कोभिडको दीर्घकालिन असरबाट विश्वको ठूलो जनसंख्या प्रभावित भएको छ

काठमाडौं । लामो समयदेखि एस्टेरोयड(क्षुद्रग्रह)हरुलाई पृथ्वीका लागि खतराका रूपमा व्याख्या गरिँदै आइएको छ । यदि एस्टेरोयड पृथ्वीसँग ठोक्किए ठूलो प्रकोप

काठमाडौं । अभिनेत्री सामन्था रुथ प्रभु दक्षिण भारतीय फिल्मकी लोकप्रिय अभिनेत्री हुन् । उनले गत वर्ष अमेजन प्राइम भिडियोको सुपरहिट

काठमाडौं । दक्षिणी मोरक्कोमा आप्रवासी बोकेको डुंगा दुर्घटना हुँदा कम्तिमा ४३ आप्रवासीको मृत्यु भएको छ । दुर्घटनामा महिला र केही

ताजा समाचार